Lapurdi

Epaiketa hasi aurretik, Itaia talde feministak elkarretaratzea egin du Baionako epaitegien aurrean, gertatutakoa salatzeko. 70 urteko apaizak erasoa ukatu zuen, baina bere ordenagailuan eduki pedofiloa aurkitu ostean, Fiskaltzak sinesgarritasuna eman zion salaketari.

Marine Le Penek, Frantziako hauteskundeen lehen itzulia irabazi duen RN ultraeskuineko alderdiren buruak, Emmanuel Macron Frantziako presidenteari Jordan Bardella lehen ministro izendatzeko beste aukerarik ez uzteko "gehiengo absolutua" eskatu du bigarren itzulian.

Baionako prokuradorearen arabera, hipotesia nagusia hilketa matxista da, baina oraindik ezin izan dute gorpua aurkitu. Eragile feministek salatu dutenez, sistemak huts egin du beste behin emakumeen ongizatea eta bizia babesteko orduan, eta baliabide gehiago eskatu dituzte horretarako.

Sexu erasoa jasan zuen bart gauean 19 urteko neska batek Hazparneko jaietan. Goizeko 6:30etan eta konorterik gabe aurkitu zuten lagunek, eta, egoera hori salatzeko, bilkura egin da Lapurdiko herrian.

Azken hilabeteotan hainbatetan joan behar izan dugu hauteslekuetara, baina Beskoitzen marka hautsiko dute, bost igandez jarraian bozkatu behar baitute. Joan den astean Europakoak izan zituzten eta datozen asteetan alkate, diputatu eta Asanblea Nazionaleko ordezkariak hautatu behar dituzte.

EH Bai ezker abertzaleko koalizioak bat egin du Fronte Popularrarekin. Xabi Larralde EH Baiko kidearen ustez, "egoeraren larritasuna" kontuan hartuta hartu dute erabakia: "Lehenetsi behar ditugu ezkerreko sentibilitate ezberdinen artean bateratzen gaituzten elementuak, desadostasunen gainetik".

Donostian egindako agerraldian, Gure Esku mugimenduak Bagara ekimena aurkeztu du. Herriz herri egingo den bideo maratoia izango da. Euskal Herriko herrietan tokian toki dauzkaten berezitasunak bildu nahi dituzte. Herri Libre Bat dinamikaren barruko ekimena da.

Angel Vallejo Rosen mendigoizalea zendu da 81 urte zituela. Everestera igotzen saiatu zen Tximist izeneko lehen euskal espedizioko kidea izan zen, eta gailurrera iristetik oso gertu geratu zen.

Bigarren Mundu Gerran Sara eta Bera artean iheslariei muga zeharkatzen lagundu zien. Pertsona askori lagundu zien berak sortutako pasabide batetik Lapurditik Nafarroara heltzen.

Kanboko herriko etxearen aurrean egin dute protesta, eta dozenaka herritar bildu dira. Hiru gizon atxilotu ditu poliziak Landetan, talde bortxaketarekin zerikusia dutelakoan. Biktimak salatu du larunbatean eraso ziotela, labanaz mehatxu eginez eta gelan batean giltzapeturik. 

10:00ak pasata, Biriatuko muga blokeatzen zuten traktoreak erretiratzen hasi dira. Protesta amaitu den arren, ilara handiak espero dira Gipuzkoako errepideetan, kamioi asko muga zeharkateo zain daudelako.

Arratsaldean zehar ez da aparteko auto-ilararik sortu mugan. Irunen ere ez da gorabehera aipagarririk izan, autoen joan-etorria handia izan bada ere.