Lan gatazkak

Innpala enpresako palistek grebara jo dute, euren lan-baldintzak hobetzeko zuzendaritza berriarekin akordiorik lortu ez dutelako; eta, horrenbestez, gaur ez da Urrezko Pala Pro Txapelketako bosgarren jardunaldia jokatu. Bi aldeak datorren asteazkenean bilduko dira berriro.

Josu Urkijo Innpalako jabea da Dan Necolekin batera, eta EITB Mediarekin hitz egin du enpresaren eta palisten arteko lan-gatazkari buruz. Batzarra egin dute, baina ez dute akordiorik lortu; beraz, palistek grebara joko dute martxoaren 21ean. (adierazpenak gaztelaniaz)

BSHk Ezkirotzen duen lantegiko langileek (multinazionalak lantegi hori itxiko zuela iragarri zuen) lantegirako sarbidea blokeatu dute, egiten ari diren negoziazioetan protagonismo gehiago eskatzeko. Foruzaingoak protesta hustu du eta langileak banan-banan atera ditu.

Iñaki Urrutia palistak EITB Mediarekin hitz egin du Innpala enpresa Dan Necolek eta Josu Urquijok erosi dutela jakin ostean. Palistek ez zuten espero kontuak hortik joatea, eta harrituta daude, Negoziatzeko borondatea azakdu dute, baina martxoaren 21erako greba deialdia ez dago baztertuta.

Palistek agerraldia egin dute, goizean, ELA sindikatuaren egoitzan, eta protesta, arratsaldean, Mungiako frontoian. Innpala enpresak pala profesionala kudeatzeari utziko dio, eta palistak kezkatuta daude kontraturik gabe gera daitezkeelako. Akordiorik ez badago, grebara joko dute martxoaren 21ean.

Blanca Guerrero Hezkuntza sailburuordeak adierazi duenez, "akordioak ditugu hiru sektoretan, eta gainerakoetan proposamenak egiten jarraitzen dugu". Horregatik, "defendatzen ari diren interesak" ulertzen ez dituela esan du.

BOSeko langileek eskatzen dute absentziak betetzea, galdutako musikarien plazak berreskuratzea, plantillari prestatzeko eta ikasteko denbora ematea, tutoretzak arautzea eta konpentsatzea, eta bulegoko ordutegia Bizkaiko Foru Aldundiaren ordutegiarekin parekatzea.

Guardian Laudioko langileek elkarretaratzea egin dute, ELA eta LAB sindikatuek deituta, Guardian enpresaren itxieraren aurka protesta egiteko. Protesta SPRIren aurrean egin dute, Bilbon.

PSE-EEk Donostiako Kursaalen egin duen 10. Kongresuan parte hartu aurretik kazetariei egindako adierazpenetan adierazi duenez, "Talgorentzat dugun helburu antzekoarekin ari gara lanean, industria sektore indartsua izan dezagun eta langileak babesteko".

Ekonomia ministroa euskal sozialisten kongresuan zela aprobetxatu dute Zumaiako enpresarentzako irtenbide instituzionala eskatzeko. Enpresa bideragarria dela nabarmendu dute, lan-zama badagoela, baita erosteko interesatuak ere, eta oraindik garaiz dabiltzala uste dute.

Gaur hasi dituzte protestak, eta elkarretaratzea egin dute Boulevard zumardian, Empark Aparcamientos enpresak gaueko txanda kentzeko asmoa duela salatzeko.

Hiart Cabrera LABen ordezkaria "pozik" agertu da akordioarekin, 16 urte pasa direlako azken lan-hitzarmenetik. Azaldu duenez, sindikatu abertzaleak ez du greba deialdirik babestuko, baina erantsi du ez dakitela gainerako sindikatuek zer egingo duten.

Begoña Pedrosa Hezkuntza sailburuak azpimarratu duenez, Haurreskolak Partzuergoak eta LABek lortutako akordioa "oso berri ona da, haur-eskolen zerbitzua indartuko dugulako, eta etorkizunerako kalitatezko zerbitzua bermatu nahi dugulako". "Profesionalen lan-baldintzak hobetuko ditugu", erantsi du.

Guardianeko langileek Laudio eta Aiaraldearen elkartasuna jaso dute gaur arratsaldean Arabako udalerriko kaleak zeharkatu dituen giza katean eta manifestazioan.

Hezkuntza publikoko sukaldeko eta garbiketako langileen grebaren bigarren egunak atzokoaren antzeko jarraipena izan du gaur: % 70etik gorakoa, sindikatuen arabera, eta % 30,3koa, Eusko Jaurlaritzaren datuen arabera.

Balenciaga ontziolako enpresa-batzordeko kideek Zumaiako Udaleko osoko bilkuran hitz egin dute arratsaldean. Langileen ordezkariek babesa eskatu diete Udala osatzen duten alderdiei.