Jose Antonio Ardanza

Erakundeetako ordezkariak eta EAJko kargudunak Sabino Arana Fundazioan izan dira, Jose Antonio Ardanza lehendakari izendatu zutela 40 urte bete direla ospatzeko. Horien artean daude, besteak beste, Andoni Ortuzar EBBren presidentea eta garai hartako eta egungo Jaurlaritzako sailburuak.

Ganberak ateak irekiko dizkie herritarrei bere 45. urteurrena dela eta. Urte hauetako bitxikeria eta aldaketa batzuk ezagutu nahi?

40 urte bete dira Jose Antonio Ardanza lehendakaria Ajuria Enera iritsi zenetik. Gloria Urtiaga emazteak eta Nagore Ardanza alabak lehendakari gisa une horiek nola bizi izan zituen azaldu digute.

Izaskun Bilbao EAJren eurodiputatuak Ardanza goraipatu du osteguneko Osoko Bilkuran. "Terrorismoa eta krisia" pairatzen zuen herria izatetik, gaur egun "arrakastaren eredu" den Euskadi hori lortzeko bidean Ardanzak izandako pisua azpimarratu du eta "Europaren neurriko politikaria" zela esan.

Jose Antonio Ardanza lehendakariaren omenezko hileta-elizkizuna Elorrioko (Bizkaia) Sortzez Garbiaren Basilikan egin dute. Bilboko eta Donostiako gotzainek eman dute lehendakariaren omenezko meza.

Joseba Segura Bilboko gotzainak Jose Antonio Ardanza lehendakariak gizartearen mesedetan egindako lana goraipatu du, "elkarren artean zubiak eraikiz".

Iñigo Urkullu lehendakaria, Eusko Jaurlaritzako kargudun ohiak, sailburuak, alkateak eta beste erakundeetako ordezkariak aurkeztu dira Jose Antonio Ardanza lehendakari ohiaren hiletan, Elorrion.

14:00etan itxi dute lehendakariaren hil-kapera Ajuria Enean. Hilkutxaren irteeran Agur Jaunak doinua izan da lagun, bere familia eta agintarien aurrean. Hileta elizkizuna bere jaioterrian, Elorrion, izango da.

Ardanza lehendakariaren hil-kaperan, Ajuria Eneko jauregian, emozio handiko uneak bizi izan dira. Agintari eta herritar askok agurtu nahi izan dute Jose Antonio Ardanza.

Ramiro Gonzalez, Elixabete Etxanobe eta Eider Mendoza Ardanza lehendakariaren hil-kaperan izan dira gaur eguerdian.

1975 eta 1980 urteen artean lehendakari izan zena Ajuria Eneko jauregira joan da karguan bere ondorengoa izan zenari agur esatera.

Athleticeko atezain mitikoa Ardanza lehendakariaren hil-kaperan izan da Ajuria Enea jauregian.

PSE-EEko idazkari nagusi eta lehendakarigaia Ajuria Enean izan da Idoia Mendiarekin eta Marisol Garmendiarekin, Espainiako Gobernuak Euskadin duen ordezkariarekin.

Javier de Andres eta Ramon Rabaneda popularrak, besteak beste, Ajuria Eneko jauregian izan dira, Jose Antonio Ardanza lehendakariaren hil-kaperan.

Jose Antonio Ardanzaren Gobernuko Herrizaingo sailburu izandakoa oso hunkituta agertu da Ajuria Enea jauregian jarritako hil-kaperan.

Juan Jose Ibarretxe Ajuria Eneko jauregian izan da Ardanza lehendakariari agur esateko. Bertan zegoen Iñigo Urkulluri besarkada estua eman dio Ibarretxe lehendakariak.

Itxaso Atutxa eta Ricardo Gatzagaetxebarria sailburu ohiarekin batera joan da EBBko presidentea Ardanza lehendakariaren hil-kaperara.

Urkullu lehendakaria eta Eusko Jaurlaritzako sailburuak izan dira Jose Antonio Ardanzaren hil-kapera bisitatzen lehenak.

Hileta-autoa 10:00ak baino lehentxeago iritsi da Ajuria Enea Jauregira. Eskaileretan familia eta Iñigo Urkullu lehendakaria zituen zain.

Jose Antonio Ardanzaren hilkutxa Gernikako beilatokitik atera da eta Ertzaintzak lagunduta Gasteizera bidean doa. Hil-kaperak 10:00etan irekiko ditu ateak.

"Hitz batek ezin hobeto laburbiltzen du Ardanza lehendakariak guztiongan pizten duen sentimenduak: errespetua", adierazi du Urkullu lehendakariak. "Errespetu eta aitortza osoa merezi du esan, egin eta eman zuen guztiaarengatik" esanaz amaitu du Iñigo Urkulluk bere adierazpen instituzionala.

Bingen Zupiria egun Eusko Jaurlaritzaren bozeramaile dena Ardanza lehendakariaren Komunikazio arduraduna izan zen urte luzez. Bizkaiko politikaria Jaurlaritzaren buru izan zen garai "gogorra" ekarri du gogora Zupiriak, indarkeria eta krisi ekonomiko latza baitzegoen Euskadin.

Carlos Garaikoetxea lehendakariak onartu duenez, "desadostasun handiak" izan zituzten 1985eko krisi politikoan. Horrek bere dimisioa behartu zuen, eta Jose Antonio Ardanzari eman zion lekukoa. Hala ere, Garaikotxea "batzen zituenaren oroitzapenarekin" geratzen da.

Eraikin ofizialetako ikurrinak haga erdian daude jada.

Patxi Lopez Kongresuko bozeramaile sozialistak Jose Antonio Ardanza lehendakariaren heriotza deitoratu du eta "gaurko Euskadi sortzeko oinarriak eraiki zituena" izan zela azpimarratu du (adierazpenak gaztelaniaz).