Bilatu

Indarkeria matxistaren biktimak

1 / 30 Hurrengoa

Gizon batek 36 urteko bikotekidea hil du Haron (Errioxa)

Publikatuta: 2025/04/25 21:11 (UTC+2) Azken eguneratzea: 2025/04/25 21:32 (UTC+2)

Hilketa 19:00ak aldera gertatu da, eta erasotzaileak ihes egin du emakumea hilda aurkitu duten etxebizitzatik. Ordu erdi geroago, Guardia Zibilak gizona aurkitu eta atxilotu du.

Nafarroako Auzitegi Nagusiak berretsi egin du Manadako bi kondenaturi zigorra urtebete jaistea

Publikatuta: 2025/04/25 09:22 (UTC+2) Azken eguneratzea: 2025/04/25 10:14 (UTC+2)

Nafarroako Justizia Auzitegi Nagusiak berretsi egin du 2016ko sanferminetako bortxaketagatik zigortutako bi laguni kartzela-zigorra urtebete jaistea, 15 urtetik 14ra.

Zinemaren eta ikus-entzunezkoen industrian lan egiten duten 10 emakumetatik 6k sexu-indarkeria jasan dute

Publikatuta: 2025/04/24 13:07 (UTC+2) Azken eguneratzea: 2025/04/24 15:13 (UTC+2)

Nerea Barjola politologo eta ikertzaile feminista bizkaitarrak eta Barbara Tardon ikertzaileak egindako azterlanaren arabera, sexu-indarkeria "normalizatuta" dago sektorean eta erasotzaileak babesten dituen inpunitate sistema bat dago indarrean.

Zeuk Esan adin txikikoen arretarako zerbitzuak 2.197 kontsulta jaso zituen iaz, 2023an baino 572 gehiago

Publikatuta: 2025/04/22 11:27 (UTC+2) Azken eguneratzea: 2025/04/22 13:57 (UTC+2)

Haur eta nerabeei arreta emateko Eusko Jaurlaritzaren zerbitzuak 15 urte bete ditu eta iazko apiriletik 24 orduz eta urteko 365 egunetan dago zabalik.

Sei urteko espetxea, korde gabe zegoen emakume bati sexu-erasoa egin eta haren argazki intimoak zabaltzeagatik

Publikatuta: 2025/04/15 11:10 (UTC+2) Azken eguneratzea: 2025/04/15 12:17 (UTC+2)

Ebazpenean, probatutzat eman da 2021eko irailaren 25ean gizonezkoak emakumeari sexu-erasoa egin ziola hura konorterik gabe zegoen bitartean. Horrez gain, bederatzi argazki intimo atera zizkion eta hiru laguni bidali zizkien.

Gizon bat atxilotu dute Gasteizen, bi emakumeri sexu erasoak egitea egotzita

Publikatuta: 2025/04/14 16:42 (UTC+2) Azken eguneratzea: 2025/04/14 17:02 (UTC+2)

Gasteizko ostatu batean izan ziren emakumeen kontrako erasoak. Ondoren, bertaratu zen udaltzain bati ere eraso egin zion gizonezkoak.

Gizonezko bat atxilotu dute Baionan, bortxaketa batekin zerikusia duelakoan

Publikatuta: 2025/04/14 09:54 (UTC+2) Azken eguneratzea: 2025/04/14 13:22 (UTC+2)

Joan den astean izan zen erasoa, ostegunetik ostiralerako gauean, Xingar Feriaren ospakizunetan. Baionako prokuradoreak eguerdirako deitu duen agerraldian emango ditu xehetasunak.

Gizon bat atxilotu dute Ourensen, emaztea hiltzea leporatuta

Publikatuta: 2025/04/06 22:30 (UTC+2) Azken eguneratzea: 2025/04/07 10:01 (UTC+2)

Biktima, 76 urteko emakumea, arma zuriz hil dute. 72 urteko senarra atxilotu dute, epailearen esku geratzeko zain.

Dani Alvesen absoluzioaren kontrako helegitea jarriko du Fiskaltzak

Publikatuta: 2025/04/02 13:09 (UTC+2) Azken eguneratzea: 2025/04/02 15:24 (UTC+2)

Ministerio publikoak uste du Alves errugabe jo duen epaiak Espainiako Konstituzioa eta Zigor Kodea urratzen dituela.

Genero-indarkeriagatik ikertzen ari dira Koldo Garcia, emazte ohiarekiko tratu txarren zantzuak aurkitu ostean

Publikatuta: 2025/03/31 14:27 (UTC+2) Azken eguneratzea: 2025/03/31 14:28 (UTC+2)

Ustezko indarkeria matxista kasu batean inplikatzeko moduko mezuak eta beste artxibo batzuk aurkitu dituzte Abalos kasua ikertzen ari diren agenteek. Alabaina, emazte ohiak "erabat" ukatu du tratu txarren biktima izan denik.

EAEko genero indarkeria epaitegiek 6.675 salaketa zenbatu dituzte 2024an, % 2,5 gehiago

Publikatuta: 2025/03/31 13:47 (UTC+2) Azken eguneratzea: 2025/03/31 14:02 (UTC+2)

EAEko Justizia Auzitegi Nagusiak emandako datuen arabera, epe berean 1.056 babes agindu eman dituzte, 2023an baino % 5,4 gutxiago. Halaber, 6.454 biktima zenbatu dituzte, horietatik 31 adin txikikoak.

Joaquim Bosch magistratuak ez du uste Alves absolbitzeko epaiak genero-ikuspegia falta duenik

Publikatuta: 2025/03/28 22:07 (UTC+1) Azken eguneratzea: 2025/03/29 09:40 (UTC+1)

Boschen arabera, epaileek erdigunean jarri dute futbolari ohiaren errugabetasun-presuntzioa, eta akusazioak froga nahikorik ez duela aurkeztu uste dute.

Testigantza "ez fidagarria" eta froga falta: Auzitegi Nagusiak Alves absolbitzeko erabilitako argudioak

Publikatuta: 2025/03/28 17:13 (UTC+1) Azken eguneratzea: 2025/03/29 11:00 (UTC+1)

Kataluniako Auzitegi Nagusiak absolbitu egin du futbolari ohia, salatzailearen eta haren lagunen sinesgarritasuna zalantzan jarri eta bere argudioak segurtasun-kamerek grabatutako bideoan, hatz-marketan eta DNAn oinarrituta.

Sexu-indarkeriaren biktima diren emakumeentzako Gipuzkoako bigarren zentroa ireki dute, Arrasaten

Publikatuta: 2025/03/27 13:46 (UTC+1) Azken eguneratzea: 2025/03/27 15:17 (UTC+1)

Hainbat zerbitzu ematen dituzte, besteak beste, emakumeen eskubideei eta aukerei buruzko informazioa eta orientazioa, baita laguntza psikologikoa eta soziala ere, errekuperazio-prozesua errazteko.

Ertzaintzak gizon bat atxilotu du Zaragozan haur-pornografia eta adingabeen aurkako sexu-erasoak egotzita

Publikatuta: 2025/03/22 12:02 (UTC+1) Azken eguneratzea: 2025/03/22 12:26 (UTC+1)

Internet bidez zabaldutako bideoetako batzuetan neska adingabeei sexu-erasoak egiten ageri zen. Epaileak espetxera bidali du behin-behinean, eta ez dute baztertu atxiloketa gehiago egitea.

Gizon bat atxilotu dute adimen artifizialaren bidez adingabe bat argazki batean biluzteagatik

Publikatuta: 2025/03/22 10:24 (UTC+1) Azken eguneratzea: 2025/03/22 10:41 (UTC+1)

17 urteko neska baten argazkia hartu, eta manipulatu egin zuen, biluzik zegoela emateko. Hori dela eta, adingabeen pornografia zabaltzeagatik ere ikertzen ari dira.

Bi gizonek emazteak hil dituzte, Burgosen eta Mallorcan

Publikatuta: 2025/03/19 11:23 (UTC+1) Azken eguneratzea: 2025/03/20 13:29 (UTC+1)

Mallorcan 79 urteko emakume bat hil du senarrak, tiroz. Burgosen, berriz, joan den igandetik desagertuta zegoen 34 urteko emakumearen gorpua aurkitu dute, senarrak hilketa aitortu ondoren.

Martxoaren 8ak bi hilketa matxista berri utz ditzake, Martosko eta Blanesko kasuak baieztatzen badira

Publikatuta: 2025/03/08 08:51 (UTC+1) Azken eguneratzea: 2025/03/09 12:08 (UTC+1)

Segurtasun indarrek bi ikerketa dituzte zabalik azken egunetan izandako bi kasu argitzeko. Bi pertsona hil dira, bata Blanesen (Girona) eta bestea Martosen (Jaen). Biak baieztatuz gero, lau izango dira aurten Espainian hildako emakumeak.

Espainiako Gobernuak % 50 handituko du emakumeen aurkako indarkeriara bideratutako epaileen kopurua

Publikatuta: 2025/03/08 11:16 (UTC+1) Azken eguneratzea: 2025/03/08 11:56 (UTC+1)

Felix Bolaños Presidentetza, Justizia eta Gorteekiko Harremanenetarako ministroak eman du horren berri, X sare sozialean, Emakumeen Nazioarteko Egunean.

Bi gizonezko atxilotu dituzte Iruñean 14 urteko neska bati sexu-erasoa egiteagatik

Publikatuta: 2025/03/08 10:30 (UTC+1) Azken eguneratzea: 2025/03/08 15:03 (UTC+1)

Epaitegiak biktimarengandik urruntzeko agindua ezarri die behin-behineko neurri gisa.

Foruzaingoa hiru mutiko ikertzen ari da Tuteran, neskato bati ukituak egiteagatik

Publikatuta: 2025/03/07 19:13 (UTC+1) Azken eguneratzea: 2025/03/07 19:29 (UTC+1)

Horrez gain, aste honetan bertan, sei gizon atxilotu edo inputatu dituzte Foru Erkidegoan, emakumeen aurkako indarkeria egotzita.

Nafarroako Gobernuak helegitea jarriko du 'Manada'ko bi kideri zigorra murriztearen aurka

Publikatuta: 2025/03/03 15:44 (UTC+1) Azken eguneratzea: 2025/03/04 09:20 (UTC+1)

Nafarroako Auzitegiak 15 urtetik 14 urtera jaitsi zizkien zigorrak sanferminetako talde bortxaketan parte hartu zuten bost gizonetako biri, 'soilik bai da bai legea' deiturikoa baliatuta.

Bi gizon gazte atxilotu dituzte neska adingabe bati sexu-erasoa egiteagatik, Gasteizen

Publikatuta: 2025/03/01 12:14 (UTC+1) Azken eguneratzea: 2025/03/01 13:30 (UTC+1)

Ostegunean atxilotu zituzten, eta epailearen esku utzi dituzte jada.

7 urte eta 9 hilabeteko kartzela berretsi diote hiru emakumeri sexu abusuak egin zizkien Bilboko ostalari bati

Publikatuta: 2025/02/28 11:48 (UTC+1) Azken eguneratzea: 2025/02/28 13:56 (UTC+1)

EAEko Justizia Auzitegi Nagusiak atzera bota du akusatuak Bizkaiko Probintzia Auzitegiaren epaiaren aurka jarritako helegitea. Lehen instantziako epaitegiak frogatutzat jo zuen ostalariak ukituak egin zizkiela bi langileri eta adin txikiko bati. Epaiari helegitea jar dakioke Auzitegi Gorenean.

Lehendakariak gazteei zuzendutako berdintasunaren aurkako diskurtsoez ohartarazi du: ''Ezin dugu onartu''

Publikatuta: 2025/02/28 09:55 (UTC+1) Azken eguneratzea: 2025/02/28 12:33 (UTC+1)

Imanol Pradales lehendakariaren arabera, "gizarte bezala berdintasuna irakasten ez badugu, berdintasun eza ikasiko dute". "Hurrengo belaunaldia berdintasunaren aldeko eragile izan dadin, neska eta mutil gazteei tresnak eskaini behar dizkiegu", gaineratu du.

EAEko gizon gazteen % 22,5ek maskulinitate tradizionalarekin bat egiten dute

Publikatuta: 2025/02/27 18:18 (UTC+1) Azken eguneratzea: 2025/02/28 15:20 (UTC+1)

"Maskulinitatearen kutxa Euskadin. Maskulinitatearen eraikuntza, jarrerak eta inpaktua euskal biztanlerian" azterlana aurkeztu du Emakundek. Horren arabera, 15 eta 19 urte bitarteko mutil gazteen hamarretik bik "gizontasuna eta genero-agindu tradizionalak modu larrian goresten" ditu.

La Manadako bost zigortuetako biri 15 urtetik 14ra jaitsi dizkiete zigorrak

Publikatuta: 2025/02/27 10:07 (UTC+1) Azken eguneratzea: 2025/02/27 12:39 (UTC+1)

Auzitegi Gorenaren Zigor Arloko Salak 2024ko uztailean emandako jurisprudentzia-doktrinari jarraitzea "juridikoki derrigorrezkoa" dela uste du Nafarroako Auzitegiak. Orduan, Angel Bozari zigorra 15 urtetik 14ra jasitea onartu zuen 'Soilik bai da bai' legeak ekarritako aldaketak tarteko.

Kongresuak onartutako Genero Indarkeriaren aurkako Estatu Itun berriaren bederatzi neurri garrantzitsuenak

Publikatuta: 2025/02/26 17:38 (UTC+1) Azken eguneratzea: 2025/02/26 17:38 (UTC+1)

Neurri garrantzitsuenetako batzuk dira emakumeen aurkako indarkeria ekonomikoa eta digitala delitu gisa jasotzea, indarkeria bikarioaren biktima diren haurren babesa indartzea, biktimekiko tratua hobetzea eta justiziaren espezializazioan sakontzea.

Mario Lopezi 13 urte eta erdiko kartzela zigorra ezarri diote, adingabe bati sexu-eraso jarraituak egiteagatik

Publikatuta: 2025/02/25 16:10 (UTC+1) Azken eguneratzea: 2025/02/25 16:40 (UTC+1)

Saskibaloi-entrenatzaile ohiak hiru urte eta erdiz 50 bat aldiz elkartu zen saskibaloiko jokalari adingabe eta bereziki zaurgarri batekin.

13 urte eta 6 hilabeteko espetxea ezarri diote Mario Lopez entrenatzaile ohiari, sexu-eraso jarraituengatik

Publikatuta: 2025/02/25 10:49 (UTC+1) Azken eguneratzea: 2025/02/26 10:01 (UTC+1)

Epaileak probatutzat eman du gutxienez 50 alditan elkartu zela Lopez adin txikikoarekin, eta horietan "sexu-izaerako jokabide ugari" izan zituela entrenatzaileak. Gainera, probatutzat jo da gero eta sarriago egiten zizkiola erasoak, eta gero eta bortziagoak zirela.

Asteon Donostian sexu-eraso batengatik atxilotutako gizonaren beste biktima bat aurkitu dute

Publikatuta: 2025/02/23 10:30 (UTC+1) Azken eguneratzea: 2025/02/23 11:22 (UTC+1)

23 urteko gizona espetxean sartu dute, behin-behinean, epailearen aurretik igaro ostean.

Emakumezko biologo batek Bermeoko "Albacora 15" atunontzian jazarpena jasan duela salatu du CSICen

Publikatuta: 2025/02/22 19:42 (UTC+1) Azken eguneratzea: 2025/02/22 19:49 (UTC+1)

Emakumearen testigantzaren arabera, ontziko ofizialek komentario iraingarriak egiten zizkioten: "Emakume batek ez luke itsasontzi batean egon behar, arazoak baino ez dituzue ematen", esate baterako. Salaketa jarri ondoren, Boli Kostan lehorreratu zuten biologoa.

Genero-indarkeriaren biktima diren emakumeen % 87 bikotekideen, bikotekide ohien edo senideen biktima dira

Publikatuta: 2025/02/21 11:29 (UTC+1) Azken eguneratzea: 2025/02/21 16:36 (UTC+1)

Bingen Zupiria Segurtasun sailburuak Eusko Legebiltzarreko kontrol-saioan eman ditu datuak ezagutzera. 2024an 5.634 emakume izan ziren indarkeria matxistaren biktima ezagunak Euskadin, 2023an baino 399 gehiago.

Hermosok helegitea jarriko dio Rubiales sexu-erasoagatik zigortu eta mehatxu-delitutik absolbitu duen epaiari

Publikatuta: 2025/02/21 13:25 (UTC+1) Azken eguneratzea: 2025/02/21 13:56 (UTC+1)

Espainiako Futbol Federazioko presidente ohiari 10.800 euroko isuna ezarri dio Auzitegi Nazionalak, baimenik gabe Jenni Hermoso jokalariari musua emateagatik. Ostegun honetan epaia ezagutu berritan, epaiaren aurkako errekurtsoa aurkeztuko zuela iragarri zuen.

Rubiales auziko epaiaren irakurketa juridikoa, genero indarkerian aditua den epaile baten eskutik

Publikatuta: 2025/02/20 20:49 (UTC+1) Azken eguneratzea: 2025/02/20 20:49 (UTC+1)

Sententzia gazi-gozoa dela dio Ane Fadrique Blancok. Orain urte batzuk, musu bat sexu-erasoa izan zitekeela pentsaezina zela uste du; hertsapenengatik ez zigortu izana, baina ez du ulertzen. Kalte-ordainarekin ere ez dago ados.

''Nagusiari gertatutakoa kontatu nionean, iraindu, oihukatu eta kaleratzearekin mehatxu egin zidan''

Publikatuta: 2025/02/20 18:55 (UTC+1) Azken eguneratzea: 2025/02/20 18:56 (UTC+1)

Naiarak salatutako sexu-erasoa Zallako Jubilatuen Etxeko tabernan gertatu zen. Naiarak gertatutakoaren berri eman zion lokaleko arduradunari, baina haren babesa jaso beharrean, kaleratu egin zuen.

Urtarrilean bakarrik, 565 salaketa erregistratu dira EAEn emakumeen aurkako indarkeriagatik, egunean 18

Publikatuta: 2025/02/20 17:11 (UTC+1) Azken eguneratzea: 2025/02/20 17:14 (UTC+1)

Datuek erakusten dute % 1,4ko jaitsiera izan dela 2024ko urtarrilaren aldean. Lurraldeka, Bizkaian 289 biktimizazio erregistratu dira (2024ko urtarrilean baino % 9,9 gehiago), Gipuzkoan 176 eraso (% 16 gutxiago) eta Araban 100 (aurreko urteko berberak).

Espetxeratu egin dute Donostian emakume bati sexu-erasoa egiteagatik atxilotutako gizona

Publikatuta: 2025/02/19 18:58 (UTC+1) Azken eguneratzea: 2025/02/19 18:58 (UTC+1)

Gertakariak otsailaren 12ko goizaldean jazo ziren, 46 urteko erasotzaileak emakumea behartu zuenean. Ertzaintzak astelehenean izan zuen gertatutakoaren berri. Indarkeria matxistagatik aurrekariak dituen gizona asteartean atxilotu zuten, 22:00ak aldera.

12 urte eta erdiko zigorra berretsi diote gizon bati, bikotekidearen bilobari sexu-erasoa egiteagatik

Publikatuta: 2025/02/19 16:21 (UTC+1) Azken eguneratzea: 2025/02/19 17:43 (UTC+1)

Arabako Lurralde Auzitegiak emandako epaia berretsi du EAEko Auzitegi Nagusiak. Sententziaren arabera, gizonak sexu-erasoa egin zion 8 urteko neska bati, ibilgailu baten barruan, Gasteizen.