Hondamendi naturalak

Biktimen 400 bat senide, Espainiako errege-erreginak eta ordezkaritza politiko zabala izan dira elizkizunean. Meza polemikaz beterik egon da, senide batzuek ez dutelako gonbidapenik jaso, eta politikariek euren aurpegia garbitzeko erabili dutela salatu dute familiek.

Paiportako Udalak hiru dolu-egun ezarri ditu biktimen eta desagertutako pertsonen omenez. Joan den urriaren 29ko goialdeko borraskaren ondorioz gehien suntsitutako udalerrietako bat da, eta 222 hildakoetatik 45 bertan izan ziren.

2024ko urriaren 29a valentziar askoren oroimenean grabatuta geratuko den eguna da. Uhaldi handi batek hainbat udalerri suntsitu zituen, 222 hildako eta kalte izugarriak utziz.

Eli Zunzunegi eta Itziar Benede ETBko kazetariek dena galdu dutenen testigantzak hurbilduko dizkigute eta gizakiaren ekintzek hondamendi natural honen ondorioak zenbateraino areagotu dituzten aztertuko dituzte adituekin. 'Lokatzetatik zutitu' erreportaje berezia gaur emitituko da, 20:45ean, ETB1en.

Felipe VI.a eta Letizia berreraikitzen ari den Chiva herrira iritsi dira, Carlos Mazon Valentziako Generalitateko presidentearekin batera, segurtasun neurri zorrotzekin, azaroaren 3an Paiportara egin zuten bisitan izandako istiluak saihesteko.

Carlos Mazon Valentziako Parlamentuan agertu eta Valentziako berreraikuntza zuzentzeko gai ez bada berriz hauteskundeetara ez aurkezteko konpromisoa hartu eta hiru egunera, Feijook honakoa azpimarratu du: "Konfiantz berreskuratu behar da, are gehiago jendea minduta dagoenean".

Euriaren ondorioz, 4.000 pertsona inguru atera behar izan dituzte etxeetatik, eta Malaga hiriburuko erdigunea urez bete da. Abisu gorria ezarrita zegoenez, errepideak ia hutsik egon dira gaur eta eskolak bertan behera geratu dira.

Azken egunotan, Algemesiko bizilagunek ikusi dute herriko kaleetan pilatutako objektuak kentzen joan direla. Hala ere, badirudi "erabateko normaltasuna" berandu iritsiko dela Valentziako herrira.

Deialdia egin duten dozenaka elkarteek Valentziako Gobernuaren gaitasun eza salatu dute eta Mazon presidentearen eta Gobernu osoaren dimisioa eskatu dute. Politika ekonomiko eta sozialetan aldaketak eskatu dituzte, berreraikuntza "pertsonak erdigunean jarriz" egin dadin.

EAEko Larrialdiak Koordinatzeko Zentroak bi bide ditu herritarrei abisuak emateko: SOS Deiak aplikazioa (aplikazioa instalatuta dutenek bakarrik jasoko dute abisua) eta ES-Alert (telefono adimendun guztietara mezuak bidaltzeko aukera ematen du).

Salome Pradasek adierazi duenez, teknikari batek eman zien, urriaren 29ko arratsaldean, ES-Alert sistemaren berri. Alarma 20:00ak jota zirenean bidali zuten, Poyoko ubideak gainezka egin eta herri askotan urpean zeudenean.

Valentziako Generalitateak Ertzaintzaren Txakur Unitatearen laguntza eskatu dio Eusko Jaurlaritzari, desagertutako pertsonak aurkitzen laguntzeko. Eusko Jaurlaritzak berehala aktibatu du txakur unitatea, eta Valentziara bidean dira sei agente, txakur eta guzti.

Azken egunotan jende askok zalantzan jarri du alerta meteorologikoen funtzionamendua eta eraginkortasuna. Andoni Aizpuruk probabilitatea erabiliz eguraldiaren aurreikuspena nola egiten den azaldu digu.

Francisco Pardo Polizia Nazionalaren zuzendari nagusiak Bonaire merkataritza-guneko aparkalekuan, Aldaian (Valentzia), "gorpu asko" zeudela zioen "gezurra" hizpide izan du egin duen agerraldian. Adierazi du informazio hori ez zela egia, ez baita hildakorik aurkitu bertan.

Carlos Mazon Valentziako Generalitateko presidentea hedabideen aurrean agertu da, Generalitateak ezhoiko Osoko Bilkura amaitu ostean. Agerraldian, kanpotik zetozen oihuak entzun ahal izan dira, presidentearen dimisioa eskatuz.

Bolaños ministroak berretsi du orain "batasunerako unea" dela,  administrazio guztiek batera lan egin behar dutela eta eztabaida "antzuak" alde batera utzi behar direla, herritarren premia hori baita.

"Inork ez du eskubiderik galduko, ez soldatarik, ez kotizaziorik", baieztatu du presidenteordeak, eta langileei "beldurrik ez izateko" eskatu die, beharrezkoak diren mekanismo guztiak martxan jarriko direlako, eta ez bakarrik kalteak jasan dituzten 69 udalerrietan.

Javier Marcos Estatu espainiarreko Larrialdietako Unitate Militarreko jeneral nagusiak esan du hildakoek "espazio duina eta arreta duina" behar dutela. "Horixe da, hain zuzen ere, Valentziako agintariekin batera egiten ari garena", adierazi du Marcosek.

"Lehen egunetik egin dugun bezala, larrialdi nazionala deklaratzea eskatzen jarraitzen dugu. Hala erabakitzen bada, gure babesa izango du premiazko laguntza sorta bat onartzeko", adierazi du Feijook. Horrek aginte operatiboa Valentziako Generalitateak ez, Barne Ministerioak hartzea ekarriko luke.

PPko presidenteak Felipe VI.aren eta Letizia erreginaren papera nabarmendu du. Feijooren arabera, politikari guztiei dagokie "maila berean egotea", "herritarren haserrea ez baita marjinala, ezta itxurazkoa ere", baizik eta "oso erreala eta ulergarria".