Guggenheim

Miguel Zugaza Arte Ederren Bilboko Museoaren zuzendariarekin, Clara Montero Tabakalerako kultura zuzendariarekin eta Beatriz Herraez Artiumeko zuzendariarekin hitz egin dugu Guggenheimeko hurrengo zuzendaria Miren Arzalluz izango dela jakin ostean.

Horrela, Arzalluzek Juan Ignacio Vidarte ordezkatuko du, orain arte museoko zuzendari bakarra izan dena eta 32 urteko ibilbidearen ondoren kargua utziko duena. Zuzendari berriak apirilaren 1ean hartuko du kargua.

Miren Arzalluz da gaurtik Bilboko Guggenheim Museoko zuzendari berria. Xabier Arzalluz EAJko buruzagi historikoa zenaren alabak eta orain arte Pariseko Moda Museoko zuzendaria izan denak hartuko du Juan Ignacio Vidarteren lekukoa.

Busturiak bere etorkizuna erabaki nahi duela adierazi dute milaka lagunek Gernikan, "pertsonak eta natura erdigunean jarriko dituen etorkizuna" aldarrikatu eta Urdaibai ez dagoela salgai esanez. Diru publikoa "gutxi batzuen interesentzako eta natura suntsitzeko erabiltzea" bidegabe jo dute.

Guggenheim Urdaibai Stop plataformak manifestazio "zaratatsua" egin du 18:00etan hasita Gernikan, museo berriaren proiektua gaitzesteko.

"Bistatik ezkutuan ziren indar eta egiturak" marraztu zituen suediar artistak (Stockholm, 1862–1944), konbentzioak baztertu eta bere garaiko korronte zientifiko-espiritualei erne. Abstrakzioaren aitzindaritzat jotzen da Af Klint.

Eraikineko estalkietan 300 eguzki-plaka jarri dituzte, eta horiek sortuko duten energiari esker, museoaren elektrizitate kontsumoa % 5 inguru murriztuko da. 2024-2025 ingurumen jasangarritasun planaren baitan egindako ekintza da, hamarkada amaierarako karbono neutraltasuna helburu duela.  

Bideoartean aitzindaria eta XX. mendeko sortzaile garrantzitsuenetakoa zen Viola. New Yorkeko artistaren atzerabegirako bat hartu zuen Bilboko Guggenheim Museoak 2017an. Gizakiaren jaiotza eta heriotza bereziki landu zituen bere lanetan.

Japoniar sortzailearen lau hamarkadako ibilbidea jasotzen duen erakusketa ireki du Bilboko museoak. 

Protesta bi izan dira goizean Gernikan lehendakariaren kargu hartzearen ekitaldi protokolarioan. Usansolon geltokia herrigunera mugitzea aldarrikatzen zuten batzuk. Besteak berriz, Urdaibain Guggenheim museo bat jartzeko proiektua bertan behera uztea.

Guggenheim museoak azken 26 urteetan egin duen modura, aurten berriz ere ateak ireki dizkie eskola-ume sortzaileei. Sei eta hamabi urte arteko ia 100 umek euren arte lanak sortu dituzte.

Greenpeaceren arabera, ez da kosta legea betetzen, Urdaibain paduretatik gertuegi eraikitzea aztertzen ari baitira. Inguru hori balio ekologiko handia duen eremu babestua da, eta talde ekologistak eremua berreskuratzeko eskatu du.

Irailera arte egongo da ikusgai errealismoaren eta abstrakzioaren arteko muga sotilean dantzan dauden margoak. "Emozioak adierazteko balio duten keinuzko trazu indartsuak eta bizitasun handiko koloreak ditu ezaugarri" haren lanak.

Arte Ederren Museoko zuzendariaren arabera, Juan Ignacio Vidartek "kulturaz gain, museoak gizartean, hirian eta ekonomian ere eragina duen eredu bat sortu du".

Bingen Zupiriak adierazi duenez, hautagaiek goi mailako ikasketak izan beharko dituzte artearen arloan, esperientzia profesional nabarmena, eta Solomon R. Guggenheim Fundazioaren eta Guggenheim Bilbao Museoaren balioekin bat etorri beharko dute.