Gripea

Enrique Peiro epidemiologoak eta Eusko Jaurlaritzako Osasun sailburuordeak adierazi duenez, "gaur egun arnas infekzio akutuen tasa 493 kasukoa da 100.000 biztanleko, iaz aste berean baino txikiagoa". Hala ere, Peirok txertaketaren garrantzia azpimarratu du.

Osasun sailburuak gizarte osoari gomendatu dio txerto jartzea, baina, batez ere, haurdun dauden emakumeei, 6 hilabete eta 5 urte bitarteko haurrei eta osasun-langileei.

Bost aste eskasean, 404.000 pertsonak baino gehiagok jarri dute txertoa Euskal Autonomia Erkidegoan, iazko aldi berean baino % 2,4 gehiagok. Adinekoen egoitzetan % 73ko estaldura lortu da, eta haurren txertaketak aurreko kanpaina osoko zifrak gainditu ditu.

Osasun Ministerioaren aginduaren ondoren, musukoak derrigorrezkoak dira gaurtik aurrera osasun-guneetan. Erabiltzaile gehienek ezagutzen zuten araua, eta musukoa jantzita joan dira medikuarengana.

Osasun Ministerioak maskararen ezarpena malgutzea erabaki du osasun zentroetan. Gaurtik aurrera derrigorrezkoa izango da musukoa, baina egoera epidemiologikoak hobera egiten duenean gomendio bihurtu daiteke.

Nafarroako Gobernuak osasun zentroetan eta zentro soziosanitarioetan musukoa erabiltzeko gomendioa egiten die herritarrei. Sintomak dituztenek ere leku itxietan babes neurriak hartzearen alde agertu da Fernando Dominguez sailburua.

Miren Basaras EHUko mikrobiologoak ETB1eko "Egun on Euskadin" esan duenez, musukoaz gain, lehen arretan eta ospitalizazioetan indarra jartzea beharrezkoa da egoerari aurre egiteko.

Gripearen eta covid-19aren birusaren zirkulazioak gora egin du azken astean Euskadin, eta, horrekin batera, musuko gehiago ikusten dira garraio publikoan. Agintariek leku itxietan erabiltzea gomendatzen dute.

Arrisku-taldeekin eta 70 urtetik gorakoekin hasi du Osakidetzak txertaketa kanpaina. Txertoa hartu nahi duten gainerako biztanleek urriaren 30etik aurrera eskatu ahal izango dute hitzordua, azaroaren 6tik aurrera txertatzeko.

Osakidetzak birusa gehien transmititzen duten biztanleei ere jarriko die txertoa, hots, umeei.

Bronkiolitisa, gripea eta covid-a batu direnean, Baionako ospitaleak plan zuria ezarri behar izan du. Osasun langileek lasaitasun mezua zabaldu dute, baina zuhurtziaz jokatzeko eskatzen dute eta larrialdi zerbitzuak soilik behar direnean erabiltzeko, sistemak gainezka egin ez dezan.