Goierri

Eskuderok txapela lortu du 90 kilometroak 10 ordu eta minutu bakarrean amaituta. Mayi Mujikak, berriz, 12 ordutan heldu da helmugara errekor berria ezarriz. Ehunmilak proban, aldiz, Fidel Fernandez doa lasterketa buru.

Bi gazte marokoarrak Donostian adingabeen zentroan ezagutu zuten elkar, eta, orain, Zegamako lantegi batean ari dira lanean. Batzen elkarteari esker egin duten ibilbide profesionalaz eskertuta daude, beste askok eta askok ez dutelako ez aukerarik ezta itxaropenik ere. 

Irizar kooperatibak errekor urtea izan du, 895 milioiko fakturazioarekin itxi du 2023a, aurreko urtean baino % 40 gehiago. Aurten mila milioi euroko fakturaziora hurbiltzea aurreikusten dute.

Palestinarekin Elkartasuna elkarteak deituta, 200 pertsona inguru elkartu dira CAFen egoitzaren aurrean, Beasainen, Jerusalemen tren proiektua eraikitzeko proiektua bertan behera uztea eskatzeko.

Eguraldia lagun izan dute azkenean Euskal Eskola Publikoaren Jaiaren 31. edizioan. Herri osoa hartu dute gaurko antolatu dituzten jarduerek: musika, tailerrak, ikuskizunak...

1990eko maiatzaren 19an arrautzen neurriko kazkabarra edo harria bota zuen Ordizian eta inguruetan. Kalte materialak oso handiak izan ziren, auto, beira, teilatu eta abar kaltetu baitziren. Ondo gogoan dute ordiziarrek non zeuden kazkabar-erauntsia izan zenean.

Abisu horia ezarri dute EAEn zaparrada mardulengatik asteleheneko 09:00ak arte. Euskalmeten arabera, hamar minutuan metro koadroko ia 5 litro bota ditu, eta tenperatura lau gradu jaitsi da bat-batean. Araitz Apaolazak eta Ane Garmendiak grabatutako irudiak.

CAFen, mugikortasun irtenbideak garatzen dituen konpainian aspaldidanik erabiltzen dute adimen artifiziala. Asier Alonso konpainiako AAko arduradunak azaldu duenez, tresna hori baliagarria zaie, besteak beste, trenen gurpiletan deformazioak detektatzeko. (Irudiak: BAIC)

Ordiziak hartuko du Euskal Eskola Publikoaren Jaia ekainaren 2an. Aukeratutako leloa 'Publikoa aI do!' da, hau da, 'publikoa ari du' euskara batuan, Ordiziako Eskola Publikoaren balioak eta indarguneak transmititzeko asmoarekin.

Urtero bezala, udaberriarekin batera, larreetatik kalera jaitsi dituzte ardiak eta jendetza batu da Ordiziako kaleetan, ikuskizuna ikustera. Edorta Lamo sukaldariak izan du aurtengo lehen gazta mozteko ohorea. Omendua berriz, Arantzazuko Gomiztegi Artzain Eskola izan da.

2021etik bidaiari profesionalak dira Josune Herencia zumaiarra eta Bittor Tena urretxuarra. Mochileros Meraki proiektua dute abian, hau da, hainbat herrialdetara taldeko bidaiak antolatzen dituzte urtero. Euren proiektuaren nondik norakoak azaldu dituzte.

Korrikaren 10. egunean, Goierriko hainbat herritatik igaroko da Korrika, eta 18:00ak pasatxo direnean iritsiko da Donostiara.

Xabi Zurutuzak debuta egingo du Munduko Txapelketako Moto3 mailan. Hala ere, hirugarren lasterketara arte ezingo du parte hartu. Dena den, Xerezen hiru egun eman ditu testak egiten, eta sentsazio onekin amaitu du. Eroriko baten ondorioz min ere egin du, baina lehiarako prest dago.

Athleticzaleak ez daude Bizkaian bakarrik, mundu osoan daude, baita Gipuzkoan ere, hala nola Lazkaon. Bertakoa da Jon Agirre, umetatik da talde bilbotarraren zalea, eta gaurko partidua bere herrian nola ikusiko duen kontatu du.

Legazpiko pilotua, Moto3ko munduko txapelketan estreinatzear da. Oraindik ez da adin nagusikoa, beraz, 18 urte bete arte ezingo du lehenengo lasterketetan parte hartu. Bien bitartean, Portimaoko zirkuituan egon da lehiaketarako prestakuntzekin jarraitzeko. Datorren astean Jerezera joango da.

Zeraingo Mendarte baserrira joan gara brokolia jasotzera eta Iñaki Intxaustik garaiko barazki honi buruzko xehetasunak eman dizkigu. Zer jakin behar dugu brokolia lantzeko?

Oier Txapartegik Zaldibiako Arrese jatetxearen funtzionamendua azaldu digu. Ondoren, Anartz Zinkunegi sukaldariak kokotxa eta bakailaoa saltsa berdean kozinatu digu pausoz pauso.

Bertan, Legazpiko pilotuari proba fisikoak egin dizkiote, eta erakutsi du une oso egokian dagoela; entrenamendu programa egokitu bat hasiko da lantzen, apirilean hasiko duen denboraldiari sasoi bete-betean aurre egiteko. Moto3n debuta egingo du.

Goierriko interpretazio zentroa izateaz gain, D'elikatuz-en ikastetxe askorekin lan egiten dute elikadura osasuntsuaren gaia lantzeko. Ikasleak azokara joaten dira, garaiko produktuak erostera eta baserritarrekin hartu-emana zuzena izateko. Azokaren interpretazio gune bihurtzea dute helburu.

Julen Irurzun Lazkaoko Oreka okindegiko okinak bertan egiten duten errege-opilaren errezeta eman eta nola egiten duten azaldu digu. Horren hitzetan, ehunka opil egiten dituzte Gabonetan, baina urtean zehar ere egiten dituzte noizean behin, arrakasta handia baitute.

Arantxa Garmendia Lazkaoko Astotxo Eguneko antolatzaileetako bat da, eta ospakizun berezi honetaz aritu da "Joseba Arguiñano Sukalerrian" saioan. Horren arabera, 1652an hasi ziren ospatzen, eta oso berezia da lazkaotarrentzat. Hainbat ekintza egiten dituzte, tartean asto-lehiaketa eta antzezlana.

Eider Garmendiak Astigoxoren obradore berria erakutsi digu. Kooperatiba txiki honetako dendan enkarguz saltzen dituzte beraien produktuak, baita Beasain eta Ordiziako azoketan ere. Arrakasta dute pastelek, sagar tartak batik bat; baita tarta gaziek ere, prestatu diguten porru quicheak, esaterako.

Beasaingo San Silbestreak mende erdia bete du 2023ko abenduaren 31 honetan. Gizonezkoen mailan, Abdelkader Al Gham nagusitu da; emakumezkoenean, aldiz, Kaoutar Boulaid izan da onena. Hainbat korrikalarik hartu dute parte proban, eta giro bikaina izan da.