Gabonak

Ehunka lagun bildu dira arratsaldean Baionan, Mari Domingiri eta Olentzerori harrera egiteko. Urtero legez, itsasontziz heldu dira Lapurdiko hiriburura eta bertan "argia eta euskara" hedatu ahal izan dituzte.

Valentziako familia askok dena galdu zuten urriaren 29ko euriteen ondorioz, eta nekez egingo diete aurre gabonetako gastuei. Umeei oparirik falta ez dakien, Beriaingo eta Lasarteko bizilagunek bilketa egin eta ia 4.000 opari eraman dituzte Olentzerok eta Mari Domingik Massanassara eta Alfafarrera.

Go!azen telesailak gabonetako saio berezia prestatu du! Abestu eta dantzatu beraiekin batera, asteartean 20:45ean ETB1en eta eitb.eus atarian!

Gabon gaueko kantaldi klasikoa bueltan da! Ez galdu "Heri Txiki, Zirku Handi", astearte gauean, 23:15etik aurrera, ETBen eta eitb.eus atarian.

Abenduaren 22an Gabonetako loteriak milioika euro banatuko ditu Estatu osoan, eta askorentzat hitzordu berezia bilakatu da. Sari asko banatzen dituen ekitaldi honetan, sari nagusia da gehien espero dena. Baina, jasotako zenbatekoa beti izan da berdina? Zenbat ematen zuen sari nagusiak duela 60 urte?

Olentzero eta Mari Domingi Bilboko udaletxean izan dira Bizkaiko hiriburura astelehenean, abenduak 23, egingo duten bisita zehazten. Plaza Eliptikotik abiatuko da 18:00etan eta Kale Nagusitik Arriaga Antzokiraino iritsiko da 20:00etan balkoitik ohiko agurra egiteko.

Azkoitian izan gara, Amai Studioko parte den Enien ofizinan. Amaia Elias barne diseinatzailearekin bildu gara bertan, eta gabonak gerturatzen ari direnez, mahaia polit apaintzeko bi ideia eman dizkigu.

Lazkaoko Mari Karmen eta Milarekin izan gara, 40 urte daramatzatelako taloak egiten. Gutizia horretarako arto irina Aramako Ibares errotatik dakarte, egun, laugarren belaunaldiaren esku.

Mungiako negutegi batean izan gara gaur, azken pazko landareak nola prestatzen dituzten ikusten; izan ere, 30.000 landare inguru bidali dituzte jada hainbat saltoki eta denda txikitara. Ondo zainduz gero, ez da zertan urtero landare berri bat erosi.

Familia askorentzat urteroko ohitura eta gabonei hasiera ematen dion eguna da gaurkoa. Aurten 33 atrakzio prestatu dituzte umeen gozamenerako. Astelehenera arte, argiak eta soinua egokituta egongo dira, dibertsitate funtzionala duten pertsonek ere goza dezaten.

Gainontzeko hilabeteetan baino gehiago ikusten dira sasoi honetan. Jaki preziatu horietako asko, 10 egun barru hasiko den gabon sasoiko mahai askotan izango dira.

Elikagaien prezioak bereziki garestitu ohi dira Eguberri egunak gerturatzen direnean, batik bat, egun horietan etxe gehienetan izaten diren produktuenak. Nola lortu dezakegu otordu horiek hain garestiak ez izatea? Uvesco taldeko Pedro Galdosek hainbat gomendio eman dizkigu.

Alemaniako bikote bat biral egin da sare sozialetan, etxea 605 Gabonetako zuhaitzekin apaintzeagatik. Horrela geratu da etxea.

Aurten berritasun den zuhaitz honek musikaz jantzi du Plaza Eliptikoa, eta gabon giroa da nagusi bertan. Asko eta asko dira egunero argazkiak egitera doazen bisitariak.

Gabonetako irudi tipikoak eta Donostiako ikur ikonikoak "marraztu" dituzte 300 dronek Kontxako badiaren gainean. Milaka pertsona bildu dituen ikuskizun eder honekin eman zaie hasiera Gabonei Donostian.

Aurten ez da argitxorik aireratuko, baina hala ere hainbat ikuskizun berezi izango dira: argien festibala, musika eta piroteknia ikuskizun bat, su artifizialak eta argiztatutako desfileak, besteak beste.

"Argiluna" izeneko ikuskizunarekin piztu dituzte argiak Iruñean. Anne Lukin artista nafarra eta plazako balkoietako musika izan dira protagonista. Jende ugari bildu da Udaletxe plazan.

Gure herri eta hirietarako gabon argiak sortu eta jartzen dituen enpresetako bat da Argilinex. Lanean daramatzan 20 urte hauetan sektorea asko aldatu da Miguel Borrajo enpresako buruaren iritzian; teknologia eta jartzen den argi mota aldatu dira batik bat.

Juan Mari Aburto alkateak sakatu du hiri guztiko argiak piztu dituen botoia. Argiak urtarrilaren 6ra arte egongo dira jarrita, 18:00etatik 22:00etara.

IZARO abeslariak disko berria aurkeztuko du Durangoko Azokan, 'Izaro gabonetan'. 8 abesti izango ditu diskoak, denak gabon kantuak. Olentzeroren abestia da horietako bat, Pirritx, Porrotx eta Marimototsekin batera egindakoa.

Gasteiz izan da EAEko hiribururik goiztiarrena Gabonetako argiak pizten. Maider Etxebarria Gasteizko alkateak argiak piztu ditu Agurtzane Eguiluz, Naiara Rodriguez eta Laura Ugarte kirolari paralinpikoekin batera.

Aurtengo zuhaitzak Valentziako biktimak omendu ditu. Hamabi milioi LED argi jarri dituzte hiriko 400 kale baino gehiago argiztatzeko.

Donostiako Alderdi Ederreko lorategietan instalatutako Gabonetako noria martxan dago jada. Otsailaren 2ra arte egongo da, eta 10:30etik 22:30era jarriko dute martxan.

IZAROren Gabonetako abestien diskoaren lehen alea da Gure gabon gaua. Durangoko Azokan aurkeztuko du gabon kanten bilduma.

Gabonak azaroan hasten direla esatea gehiegizkoa izan daiteke, baina enpresa askotan aurreratu egiten dira eta hil horretan egiten dute Gabonetako otordua; izan ere, abenduko asteburuetan lekua aurkitzea oso zaila da. Bilbon Gure Kabi eta Tolosan Fronton ia beteta daude gaurtik urte amaierara arte.

Venezuelako agintariek "Gabonei hasiera" eman diete astearte honetan, Nicolas Maduro presidenteak irailaren hasieran emandako aginduei jarraituz. Madurok jaieguna urrira aurreratzeko agindua eman zuen, abuztuak utzitako "aurreikuspen ekonomiko onak" direla eta.