Farmaziak

Aitak erabilitako burusoiltzea saihesteko botikak haren haurrarengan hipertrikosia edo 'otso-gizon sindromea' eragin du, gutxienez, hamaika kasutan. Minoxidil botikaren erabilera orri edo prospektuak albo-kalte horren berri emango du aurrerantzean.

Nafarroako Ablitas herriko farmazia bat eta liburutegia ados jarri dira gaixoei ematen zaien botikarekin batera irakurketa bat gomendatzeko, liburu bat pilula bat bezain eraginkorra izan daiteke eta.

Imanol Pradales lehendakaria, Alberto Martinez Osasun sailburuarekin batera, Euskadiko Medikuen, Farmazialarien, Fisioterapeuten eta Erizainen elkargo ofizialetako arduradunekin bildu da Ajuria Enean.

Larruazala eguzkitik babesteko aholkuak eman dizkigu Izaro Oiarbide farmazialariak "Biba Zuek!" saioan. Zer dira fototipoak, melanina, melanozitoak eta melanoma? Zein eguzkitako krema erabili behar dugu? Hainbat galdera erantzun ditu.

Ane Otaegui farmazialariaren hitzetan, ohikoaren barruan sartu behar da Botiken Europako Agentzia egiten ari den pseudoefedrinaren azterketa. Gaixotasun kardiobaskularrak dituztenek ezin dituzte botika horiek hartu, baina beraiei bestelako botikak ematen zaizkiela zehaztu du.

Hiru urte baino gehiagoz beharrezkoa izan da musukoa jantzea osasun-.zentroetan, farmazietan eta adinekoen egoitzetan. Orain gomendio izango da arnas infekzioen sintomak daudenean. Paziente immunodeprimituak egon litezkeen lekuetan hala nola onkologia unitateetan edo ZIUetan eskatu ahal izango da.

80.000 errezeta jasotzen dira egunero Euskadin dauden 800dik gora botiketan. Kontingentzia sistema oso motel dabil eta botikarien lana bikoiztu egin da.

Botiketako profesionalek ikusi dutenez, pilula antisorgailuen salmentaren beherakadarekin batera, hurrengo eguneko pilulak gero eta gehiago saltzen dira. 60 urte baino gehiago dira metodo hori kaleratu zenetik, eta emakumeen askatasunerako ikono izandakoa gazteen artean gainbeheran dago orain.

EHUk eta Tecnaliak martxan jarri duten bioinprimagailu honi esker, terapia pertsonalizatuak garatu ahalko dira pediatriaren eta zahartze osasungarriaren arloan, besteak beste.

Parazetamola eta omeprazola daude gehien saldutako botiken zerrendan. Ondoren, lorazepam dator, antsietatea eta lo falta tratatzeko erabiltzen den medikamentua.

Farmazialariek malgutasuna eskatzen dute botikak emateko orduan, zerbait falta denean errezeta moldatu ahal izateko. Lierni Mendiaraz farmazialariak azaltzen duenez, ez da botikarik falta, baina eskasia nabaritzen dute.

Mungiako Farmazia Golzarriko langileek bat egin dute esklerosi anizkoitzaren ikerketaren aldeko 2022ko EITB Maratoiarekin. "Euritan dantzan" ibili dira guztiak.

Duela urte eta erdi eta Biolan Health euskal enpresak antigeno-test batzuk garatu zituen. Test horiek atzerriko enpresa pribatuei edo herrialdeei baino ezin izan zizkien saldu, baina ez zituen farmazietan merkaturatu, tramite burokratiko bat falta baitzen.