Euskal Zinema

Miren Gaztañaga aktoreak Irune pertsonaia gorpuzten du estreinatu berri den 'Azken Erromantikoak' filmean. Filmean iragana erromantizatuko du Irunek, bere bizitzaren alde gordinak ere ikusiko ditugu.

Miren Gaztañaga filmeko aktore nagusiak bikain gorpuztu du David Perez Sañudoren filmeko pertsonaia nagusia, eta Irune nolakoa den azaldu digu. Zinemaldian estreinatu eta gero, ostiralean, azaroak 15, iritsiko da zinema aretoetara EITBren parte-hartzea duen filma.

Bilboko Arriaga Antzokiak Zinebiren 66. edizioaren inaugurazio gala hartu du. Bilboko Dokumentalen eta Film Laburren Nazioarteko Jaialdiako sail ofizialean sei euskal film labur proiektatuko dira aurten.

Pablo Berger zinemagileak jaso zuen atzo, larunbata, Santurtziko Zine Jaialdiaren itxiera galan, 2024ko Serantes saria. David Perez Sañudo bilbotarrak jaso zuen EITB Euskal Pantailak saria, "El Rey de la Semana" izeneko lanari esker.

Ironiaz eta gordintasunez, Galder Gaztelu-Urrutiak gizarte eta klase ezberdintasunetan jarri du arreta berriro. Bere azken film luzearekin eztabaida eta hausnarketarako haria zabaldu nahi du. EITBren parte-hartzea du, eta hainbat eszena EITBko albistegietako platoetan filmatu dituzte.

Zinemaldiak egunero eskaintzen dizkigu berritasunak, eta gaurkoan azpimarratzekoa da Jon Garaño eta Aitor Arregiren azken filmaren aurkezpena. Arratsaldean ikusi ahal izango da Marco Donostiako Belodromoan, baina goizean protagonistekin egoteko aukera izan du ETBk.

Jon Garaño eta Aitor Arregi zuzendarien gidaritzapean egin du lan Eduard Fernández aktoreak 'Marco' filman. Euren pelikulaz hitz egin digu Jon Garañok zine zuzendariak "Biba Zuek!" saioan.

Pello Gutierrez Erreplika filmaren zuzendaria da eta Gora Bihotzak! saioan izan dugu gonbidatu. Zikuñagako Ama Birjina desagertu zen, eta horren ingurukoak azaltzen ditu bere lanean.

Naia Laka  Zortzitik infinitura dokumentalaren zuzendaria Gora Bihotzak! saioan izan dugu. Benito Ansola zinemagilearen bizitza jasotzen du Lakaren lanak. Zinemiran estreinatu dute.

Esti Urresola zine zuzendariak emango dio Zinemira Saria Elena Iruretari, Euskal Zinemaren Galan.  Gala hasi aurretik, alfonbra gorrian, elkarrizketatu dugu Biba Zuek! saioan.

Hondar ahoak telesailaren jarraipena prestatzen ari dira. Zeru ahoak du izena eta lau atal izango ditu. Koldo Almandoz zinemagile donostiarra da zuzendaria, Mirian Fernandez Pascal ekoizlea eta Nagore Aranburu aktore protagonista. Biba Zuek! saioa filmazioan egon da.

Bellas Artes telesailaren bigarren denboraldia estreinatuko dela iragarri digu Koldo Olabarri aktoreak. Telesail horretan lanean nola hasi zen ekarri du gogora aktore gazteak.

Josemi Ibarretxeren alabak eta Nere Falaganek zuzendutako Esto no es Hollywood dokumentala aukeratu dute Zinemiran lehiatzeko. Ibarretxek hautaketa-prozesua nolakoa izan zen kontatu du.

Apiril eta abuztu arteko hilabeteak lanpeturik igarotzen dituzte Zinemaldiko hautesle batzordeko kideek. 500 eta 600 pelikula ikusten dituzte egunean, Amaia Serrulla, Filmen eta Dokumentazioaren saileko kudeatzailearen arabera.

EITBk presentzia handiagoa izango du aurtengo Zinemaldian; izan ere, babesle ofizia izango da. Horrekin lotuta, hainbat ekitaldi egongo dira: Euskal Zinemaren Gala, EITB gala edo 'Go!azen' fenomenoa, besteak beste.

Egunotan esku artean dituen lanen berri emateaz gainera, Erroma Klasikoan oinarritutako serieaz aritu da, hara eta norekin: Anthony Hopkinsekin. Dioenez, izugarrizko ikaskuntza izan da mota horretako produkzio handi batean aritzea, batez ere horretarako hautatua izatea aurreikusten ez zuenean.

Heriotza duina aldarrikatzen duen zinta horrek Tilda Swinton eta Julianne Moore ditu protagonista, eta 17 minutuko txalo zaparrada jaso zuen Veneziako zinemaldian estreinatu zutenean.

Erabat arrakastatsua izan zen atzo iluntzean Veneziako Zinemaldian, Marco filmaren lehen proiekzioa. Txaloak eta kritika onak izan dira nagusi. Adituen artean bereziki goraipatu dute Eduard Fernandez protagonistaren lana. Lasaitua hartu dute Aitor Arregik eta Jon Garañok lehen erreakzioak ikusita.

Jon Garaño eta Aitor Arregi zuzendarien 'Marco' filmak txalo zaparrada jaso du Veneziako Mostran, ostiral arratsaldeko estreinaldian. Orizzonti sailean lehiatuko da eta arratsaldean eman dute aurrenekoz, ikusmin handiaren erdian.

Ane, 40 urteko emakumea, etxean loreak jasotzen hasiko da; ezagutzen ez duen norbaitek bidaltzen dizkio, nor izango ote da? Ez galdu "Loreak", gaur gauean, 22:30ean, ETB1en eta eitb.eus atalean.

Pablo Agüero zinemagile argentinarrak Zugarramurdiko sorginkeriaren istorioa kontatzen du lan honetan. Bost Goya saridun pelikula da. Ez galdu euskal zinearekin hitzordua, 22:30ean.

Veneziakoa bezalako zinemaldi batean parte hartzeak bultzada handia suposatzen du. Bertan parte hartuko duen 'Marco' filmeak zabalkunde handigoa izango duela horrela espero dute.

Asteazken gauetan, gure zinerik onenaz gozatzeko hitzordua izango dugu. Familia arteko arrakala amildegi bihurturik ikusiko dugu 'Ane' filmean, Patricia López Arnaizekin eta Jone Laspiurrekin. Ez galdu David Pérez Sañudoren filma, 22:30ean, ETB1en.

Iker Plazaolak Edurne Azkarateri zentsuratutako galdera bat egin dio, ea egia den 'Irati' pelikula grabatzen ari ziren bitartean ez zituela bere gidoiak ikasten. Azkaratek aitortu du gidoiak ikastea gainbaloratuta dagoela, eta Miren Nogales harekin ados dago.

'Irati' filmaren protagonista da Edurne Azkarate eta, aitortu duenez, hainbat aldiz ikusi zuen filma bere garaian. Dioenez, batzuetan akats guztiak ateratzen zizkion pelikulari baina beste batzuetan harekin adiskidetzen zen. Lehen egiten ez zituen castingak egiten ari da 'Irati'ri esker.

Udako bideoklipa grabatzeko irrikitan zeuden "Go!azen"eko lagunak. Muskizko hondartzan ikusi ditugu, baita Zugaztietan (Trapagaran) ere, piragua eta guzti.