Euskal Mendiak

Hainbat espediziotako materiala bildu, eta erakusgai jarri dute Azpeitiko Esklaben Komentuan. Lortutako dirua mendiarekin zerikusia duten gaietara bideratuko dela azaldu du Txikonek.

Larunbat goizean, 8:45etik aurrera, Gorbeia Suzien mendi lasterketa zuzenean jarraitzeko aukera egongo da. Ostegun honetan egin dute aurkezpena, eta maila handiko korrikalariek parte hartzea espero da.

Araitz du izena eta Aralar ugatzaren bizitoki natural bilakatu dela erakusten du. Gipuzkoako Foru Aldundiak espezie hau berreskuratzeko egitasmoaren ondorio da.

Araizko kablearen historia berreskuratuz, begiralekua inauguratu dute Zezelainen, mailoetara begira. Azalpenak eman ostean, belarra moztu, buxiak egin eta kabletik bota dute, 60ko hamarkadan desagertutako teknika erabiliz. Memoriari eustea eta bisitariei ezagutzera ematea du helburu guneak.

Jagobaren laguntzarekin ezagutu dugu Ubide. Mendia, erreka eta hegaztiak maite dituenarentzako parada ezin hobea.

Ainhize Belar 18 urteko eskalatzaile gazteak markak hautsi ditu: 9a+ mailako bidea irekitzea lortu du, "Iñi Ameriketan" igota (Baltzola). Atxondoko kirolariak zer-nolako esperientzia bizi izan duen azaldu du.

Naturarekiko errespetuz osoz, basoan bizirauteko teknikak eta jakingarriak ezagutarazten dituzte Basque Bushcraft Society-ko Asier Errastik eta Egoitz Salsamendik. Talde honetako kideek maiz egiten dituzte egonaldiak mendian. Oraingoan, sua egiteko gomendioak eman dizkigute.

Klima aldaketa aztertzeko zentroan ikertzen du Ekonomiaren Historian doktoreak. Besteak beste, muturreko tenperaturek animaliei nola eragiten dieten ikertu du, eta hori mendian praktikan jartzea erabaki zuen orain dela hiru urte.

100 metroko altueratik erori ziren. Korridoreak 45-50 graduko desnibela dauka, eta antza euren soka askatu egin zitzaien.

Joan den asteburuan Ehunmilak mendi-lasterketa jokatu zuten, eta gogorra izan arren, ibilbideak eskaintzen dituen bista pribilejiatuak nabarmendu dituzte hainbat parte hartzailek.

Jose Javier Echandik, Erronkaribarko Batzorde Nagusiko Presidenteak, Garden begiztatutako hartzari buruz hitz egin digu. Ezbeharrik izan ez bazen ere, Josék ziurtatu digunez, "17 ardi hil ditu Anso inguruan eta lau eraso Izaba inguruan"

Ekainaren 16an jokatutako lasterketan, 270 parte-hartzaile izan ziren. Bederatzigarren aldiz egin dute Tolosaldeko 3 Tontorrak maratoia.

Ordiziarra Skyrunner World Series zirkuituko lidertzan da eta hori da aurtengo bere helburu nagusia. Bere lehen Zegama-Aizkorrin ere bosgarren postua lortu zuen, eta, larunbatean, ekainaren 15ean, Madeiran Euskal Selekzioarekin egongo da.

Parke naturalen ezaugarriez, bereziki Gipuzkoan daudenez, aritu gara Koldobike Olabiderekin, Gipuzkoako Aldundiko Mendietako eta Natura Inguruneko zuzendariarekin.

Gemma Arenas eta Miguel Heras korrikalariek irabazi zuten aurtengo Domusa Teknik mendi-lasterketa, Azpeitia, Errezil, Bidania-Goiatz eta Beizama arteko ibilbidean. Mayi Mugikak eta Oihana Azkorbebeitiak osatu zuten nesken podiuma; gizonezkoena, berriz, Alvaro Ramosek eta Goar Lopetegik.

Eguerdian izan du istripua 66 urteko zamudioarrak. Esperientzia handiko eskalatzaile eta alpinista eta Bilboko udaleko suhiltzaile ohia; Piriniotan, Alpeetan eta mundu osoko mendi garaietan espezidio ugaritan parte hartu zuen, eta Euskal Herriko nahiz Espainiako goi-mendietako irakasle aritua zen.

Victor Uriarte erabiltzaileak ostera egin du gaur goizean Urkiolatik, Saibigainera bidean. Mendi bazterrak elurtuta topatu ditu.

Hainbat suhiltzaile lanean aritu dira 19:40tik Zierbenan, Serantes mendiaren eta Lucero lurmuturraren artean, piztutako baso-sutea itzaltzeko.

Azaroan ospatuko da Mariren Kobak Trail lasterketa. 90 km inguruko lasterketan, kobak topatu behar dituzte parte hartzaileek, baina ibilbidea markatu gabe dago. Orientazio mapak eskaintzen dizkiete, eta 15 minutu dituzte mapok interpretatzeko. Bidean, pertsonaia mitologikoekin egingo dute topo.

Elur-kota mila metrotik behera kokatu da asteburuan zehar, eta ohiko lekuak zuritu ditu. Jende andana joan da elurraz gozatzera. Elurrak, baina, arazo txikiak eragin ditu errepideetan.

Izaban, Orreagan, Urbian, Larra-Belaguan eta beste hainbat txokotan elurra ikusi ahal izan dugu dagoeneko.

Pagasarri, Zaldiaran edo Gorbeia dira urte berrian gehien bisitatzen diren mendietako batzuk, eta, ohiturari jarraiki, urtea naturarekin harremanetan hastea aukeratu dute hainbat euskal herritarrek.

Elur maila 1.000 metroan kokatu da larunbateko lehen orduetan, eta, beraz, mailarik altuenetan denboraldiko lehen elurtea bota du. Irudi hauek Aitor Agirrezabal Alustizak bidali dizkigu, Txindokitik.

Aurten 'Ehunmilak' lasterketa irabazi zuen Uxue Fraile kirolariak. 29 orduz, 175 bat kilometro egin zituen oinez eta korrika. Horrelako lasterketa bat nola prestatu eta aldez aurretik zer jan behar den azaldu digu korrikalariak.

Iraileko igande guztietan Hernioko magalean ospatu den azken erromeria izan dute gaur, eta jendetza bildu da bertan musikaz eta dantzaz gozatzera.

Gorbeako parke naturalean dagoen aterpea ezagutu dugu Yoli Martinen eta Joseba Elorrietaren eskutik. Aterpearen historia kontatu digute, baita gaur egun nola funtzionatzen duten ere.

Iristeko zaila den zonalde batean erori da gizona, hortaz, erreskate taldeak helikopteroa erabili behar izan du. Larrialdietarako zerbitzuek grabatutako irudiak.

Euskal Herria mendebaldetik ekialdera zeharkatzen duen martxa musikalizatua da, 19 mendi etapatan. Uztailaren 30ean amaituko da, Pirinioetan murgilduz, Hiru Erregeen Mahaian, Euskal Herriko gailurrik esanguratsuenetako batean.