Bilatu

Errusia

1 / 30 Hurrengoa

Zerga berriak ezartzeko mehatxua egin dio Trumpek Putini, "agian" gerra amaitu nahi ez duela iritzita

Publikatuta: 2025/04/26 17:40 (UTC+2) Azken eguneratzea: 2025/04/26 17:40 (UTC+2)

"Putinek, azken egunotan, ez zeukan ezelako arrazoirik zibilen eta herrien aurka misilak jaurtitzeko. Iruditzen zait beharbada ez duela gerra bukatu nahi (...), eta horrela bada desberdin tratatu behar dugu. Jende asko ari da hiltzen!!!", esan du Truth Social sare sozialean.

Putinek eta Witkoffek uste dute azken bilerak "jarrerak gehiago hurbiltzeko" balio izan duela

Publikatuta: 2025/04/25 18:08 (UTC+2) Azken eguneratzea: 2025/04/25 18:48 (UTC+2)

Donald Trump AEBko presidentearen ordezkaria eta Errusiako agintaria hiru orduz izan dira aurrez aurre Moskun, azken bilera egin eta bi astera. Gaurkoa bien arteko laugarren batzarra izan da.

Errusiako goi agintari bat hil da Moskutik gertu bonba-auto baten eztandaren ondorioz

Publikatuta: 2025/04/25 13:58 (UTC+2) Azken eguneratzea: 2025/04/25 13:58 (UTC+2)

Atentatua Errusiako hiriburuaren ekialdean eraikitako urbanizazio bateko patioan gertatu da, militar erretiratuentzat egina. Ikertzaileak eta beste agente batzuk bertaratu dira, atentatua nola gertatu den ikusteko.

Kieveko alkateak uste du "lurraldeak lagatzea" gerraren amaierarako "irtenbidea" izan daitekeela

Publikatuta: 2025/04/25 12:05 (UTC+2) Azken eguneratzea: 2025/04/25 12:05 (UTC+2)

Steve Witkoff AEBko agintaria Moskura iritsi da Kremlinekin Etxe Zuriaren bake planari buruz hitz egiteko.

Lavrovek ziurtatu du AEBkin Ukrainari buruzko "akordiorako prest" dagoela Kremlina

Publikatuta: 2025/04/25 07:48 (UTC+2) Azken eguneratzea: 2025/04/25 08:32 (UTC+2)

Bide beretik, Donald Trump atzo "baikor" agertu zen, eta aditzera eman zuen Ukrainaren eta Errusiaren arteko akordioa ixtear egon daitekeela.

Trump: "Ez nago pozik Errusiak Kievi egindako erasoekin. Vladimir, ASKI DA!"

Publikatuta: 2025/04/24 17:16 (UTC+2) Azken eguneratzea: 2025/04/24 17:17 (UTC+2)

Agintari estatubatuarrak gaitzetsi egin du Errusiak Kieven aurka misilekin eta droneekin egindako erasoa. "Astean 5.000 soldadu hiltzen dira. Lor dezagun bake akordioa!", gaineratu du handi-mandiak Truth Social sarean.

Su-etenerako proposamena mahai gainean, Errusiak azkenaldiko Kieven aurkako erasorik handiena egin du

Publikatuta: 2025/04/24 13:19 (UTC+2) Azken eguneratzea: 2025/04/24 15:24 (UTC+2)

Ukrainako agintarien arabera, bederatzi pertsona hil dira eta 70 baino gehiago zauritu dira Ukrainako hiriburuko hainbat auzotan.

Trumpek akordioa oztopatzea egotzi dio Zelenskiri, ez duelako onartu Krimea Errusiaren lurralde izatea

Publikatuta: 2025/04/23 20:22 (UTC+2) Azken eguneratzea: 2025/04/24 10:07 (UTC+2)

"Inork ez dio eskatu Zelenskiri Krimea Errusiako lurralde gisa onar dezala, baina nahi badu, zergatik ez zuten borrokatu duela hamaika urte, Errusiaren esku utzi zutenean?", adierazi du buruzagi errepublikanoak bere sare sozialean.

Errusiak aire-erasoei berrekin die Ukrainan, Pazko Ortodoxoa dela eta su-etena ezarri ondoren

Publikatuta: 2025/04/21 08:40 (UTC+2) Azken eguneratzea: 2025/04/21 09:02 (UTC+2)

Bien bitartean, Donald Trump AEBko presidenteak esan du Errusiak eta Ukrainak aste honetan Ukrainako gatazka amaitzea espero duela.

Ukrainak eta Errusiak bake akordioa aste honetan bertan sinatzea espero duela esan du Trumpek

Publikatuta: 2025/04/20 22:40 (UTC+2) Azken eguneratzea: 2025/04/21 08:57 (UTC+2)

Igandeko 23:00etan amaitu da Putinek Pazko ortodoxoaren harira iragarritako 30 orduko su-etena. Zelenskik esan du aire bidezko erasoetan bakarrik bete duela Errusiak agindutakoa eta gerrako arlo horretan su-etena 30 egun gehiagoz luzatzea eskatu du.

Errusiak erasoekin jarraitzen duela salatu du Zelenskik

Publikatuta: 2025/04/20 09:07 (UTC+2) Azken eguneratzea: 2025/04/20 16:38 (UTC+2)

Errusiako Defentsa Ministerioak, bestalde, Ukrainari egotzi dio Donetsk eskualdeko bere lurrei eraso egin izana, 30 orduko su-etena urratuz, eta Ukrainak erantzun dio erasoak "faltsutzen" ari dela.

Zelenskik Putinen su-etena onartu du, baina apirilaren 20tik aurrera beste 30 egunez luzatzea proposatu du

Publikatuta: 2025/04/19 21:28 (UTC+2) Azken eguneratzea: 2025/04/19 21:35 (UTC+2)

Vladimir Putin Errusiako presidenteak aldebakarreko su-etena iragarri du larunbat honetan Ukrainarentzat, Pazkoa dela eta. Su-etena arratsaldeko 18:00etan sartu da indarrean (Moskuko ordua, 17:00ak Euskal Herrian) eta apirilaren 21eko gauerdira arte luzatuko da (igandeko 23:00ak hemen).

Indarrean da Putinek Pazko ortodoxoaren harira iragarritako 30 orduko su-etena

Publikatuta: 2025/04/19 16:10 (UTC+2) Azken eguneratzea: 2025/04/19 18:38 (UTC+2)

Su-etena arratsaldeko 18:00etan sartu da indarrean (Moskuko ordua, 17:00ak Euskal Herrian) eta apirilaren 21eko gauerdira arte luzatuko da (igandeko 23:00ak hemen). Ukraina ez da Errusiaz fio, eta "egitateak" espero ditu.

Ukrainako negoziazioei buruzko eztabaidak abiatu ditu Macronek Rubio eta Witkoffekin

Publikatuta: 2025/04/17 17:44 (UTC+2) Azken eguneratzea: 2025/04/17 17:44 (UTC+2)

Frantziako presidentea Trumpekin harremanetan izan da azken asteotan, eta Erresuma Batuarekin ere, "boluntarioen koalizioa" deiturikoa martxan jartzeko.

Gutxienez 34 hildako eta 117 zauritu eragin ditu Errusiak Ukrainako Sumi hirian, misil balistikoak botata

Publikatuta: 2025/04/13 16:40 (UTC+2) Azken eguneratzea: 2025/04/14 10:47 (UTC+2)

Hiriaren erdialdean izan da erasoa eta biktima guztiak zibilak dira. Duela hiru urte inbasioa hasi zenetik, Errusiak zibilen aurka egindako bonbardaketa gogorrenetakoa izan da. Zelenskik "irmoki erantzun" dezala eskatu dio nazioarteari. EBk eta NATOk gogor gaitzetsi dute gertatutakoa.

Hauek dira Trumpen muga-zergetatik libratu diren produktuak eta estatuak

Publikatuta: 2025/04/03 19:26 (UTC+2) Azken eguneratzea: 2025/04/03 19:28 (UTC+2)

Kobrea, urrea, produktu farmazeutikoak, erdieroaleak, zura eta AEBetan "eskuragarri ez dauden" energiak eta mineralak muga-zergetatik kanpo geratu dira. Errusiak, Kubak, Ipar Koreak eta Bielorrusiak ez dituzte muga-zergak jasango, dagoeneko zigor ekonomiko gogorrak pairatzen dituztelako.

Errusiari zerga gehigarriak ezartzeko mehatxua egin du Trumpek, Moskuren erruagatik negoziazioa trabatzen bada

Publikatuta: 2025/03/30 17:47 (UTC+2) Azken eguneratzea: 2025/03/30 19:07 (UTC+2)

"Errusiak eta biok Ukrainako gerraren amaierari bide emango dion akordio bat lortzen ez badugu, eta iruditzen bazait Errusiaren erruagatik dela (baliteke horrela ez izatea) muga-zerga gehiago jarriko dizkiot Errusiatik ateratzen den petrolio guztiari", esan dio NBC Newsi.

Putinek proposatu du Zelenski kargutik kentzea eta Ukrainan "behin-behineko" gobernua osatzea

Publikatuta: 2025/03/28 10:40 (UTC+1) Azken eguneratzea: 2025/03/28 14:50 (UTC+1)

Errusiako presidenteak Ukrainan NBEk eta AEBk babestutako "behin-behineko" gobernua eratzea defendatu du, hauteskundeak deitu eta gobernu berria osatu ondotik bakea lortzeko negoziazioak abiatu ahal izateko.

Ruttek dio Espainiak gastu militarra BPGren % 2ra igoko duela uda honetan

Publikatuta: 2025/03/27 22:37 (UTC+1) Azken eguneratzea: 2025/03/27 22:37 (UTC+1)

Espainiako Gobernuko iturriek azaldu dutenez, Espainia "lanean ari da % 2ko konpromisora lehenbailehen iristeko". "Baina -zehaztu dute- ez dugu konpromiso zehatzik hartu. Oraindik horretan gaude. Zerbait dagoenean, iritzi publikoari helaraziko diogu".

Macronen esanetan "bake-indar" bat egongo da Ukrainan, eta AEBren babesa "nahi" du

Publikatuta: 2025/03/27 15:38 (UTC+1) Azken eguneratzea: 2025/03/27 17:51 (UTC+1)

Boluntarioen Koalizioak Errusiari zigorrak mantentzea adostu du, baita Ukrainan misio militar franko-britainiar bat martxan jartzea ere, "bakeari eusteko" eta azpiegitura gakoak babesteko 20.000 soldadu bidalita. Helburu bakarra Errusia Ukrainaren aurkako eraso berriak egitetik aldentzea da.

Sanchezek defentsarako plana iragarri du eta gizarte gastuko "zentimo bat ere" ez duela ukituko erantsi

Publikatuta: 2025/03/26 10:24 (UTC+1) Azken eguneratzea: 2025/03/27 07:24 (UTC+1)

Espainiako gobernuburuak berretsi du Defentsarako gastua BPGaren % 2ra igoko duela, eta hori egiteko modua "datozen asteetan" zehaztuko duela. Gainera, nabarmendu du "uda baino lehen" Espainiako defentsa eta segurtasun industria bultzatzeko egitasmoa prest izango duela.

Moskuk eta Kievek Itsaso Beltzean "nabigazio segurua" lortzeko pausoak ematea adostu dute, AEBren arabera

Publikatuta: 2025/03/25 17:55 (UTC+1) Azken eguneratzea: 2025/03/26 13:05 (UTC+1)

Ukraina eta Errusia ados daude Itsaso Beltzean "nabigazio segurua" lortzeko urratsak emateari dagokionez, eta "indarraren erabilera amaitzearen" aldekoak dira, iragarri du Washingtonek Saudi Arabian bi aldeekin izandako azken elkarrizketen laburpenean.

Errusiak eta AEBk asteartean emango dituzte 12 orduko bileraren xehetasunak

Publikatuta: 2025/03/24 21:42 (UTC+1) Azken eguneratzea: 2025/03/25 10:03 (UTC+1)

Riaden, Saudi Arabiako hiriburuan, bildu dira bi ordezkaritzak Errusiaren eta Ukrainaren arteko su-etena lortzea helburu hartuta. Errusiako ordezkariak itxaropentsu agertu dira egunean zehar egin dituzten atsedenaldietan.

Ukrainaren eta AEBren ordezkaritzen arteko Riadeko bake negoziazioa "emankorra" izan dela adierazi dute

Publikatuta: 2025/03/23 17:13 (UTC+1) Azken eguneratzea: 2025/03/24 09:47 (UTC+1)

Igande arratsaldean bost orduz egon dira bilduta Saudi Arabian, Estatu Batuen eta Ukrainaren arteko elkarrizketak su-eten bat adostu nahian. Antza, batez ere energia azpiegiturak babesteaz aritu dira. Astelehenean Errusiako ordezkaritza bat iritsiko da Riadera.

Errusiaren berehalako helburua den Pokrovsk bisitatu du Zelenskik Donetskeko oblastean

Publikatuta: 2025/03/22 12:59 (UTC+1) Azken eguneratzea: 2025/03/22 13:12 (UTC+1)

Pokrovsk aldean Errusiak lortutako aurrerapena moteldu egin da azken asteetan, baina Donbass eskualdeko gune logistiko garrantzitsu hori bereganatu arte ez du etsiko; izan ere, anexionatutako Donetskeko oblastaren erabateko kontrola lortzeko gakoa da.

Errusiak Mendebaldeari leporatu dio Ukrainak egindako giza eskubideen urraketak "alboratzea"

Publikatuta: 2025/03/21 22:32 (UTC+1) Azken eguneratzea: 2025/03/22 10:01 (UTC+1)

Sergei Lavrov Errusiako Atzerri ministroak salatu du Ukraina dela "Nazio Batuen hizkuntza ofizialetako bat", errusiera, debekatzen duten "munduko herrialde bakarra", eta Mendebaldeko estatuak horren aurrean "isilik" daudela.

Ukrainak Errusiako aire-base nagusietako bati droneekin egin dio eraso

Publikatuta: 2025/03/20 17:23 (UTC+1) Azken eguneratzea: 2025/03/20 17:40 (UTC+1)

Engelseko basea da, Saratoven dago, frontetik ehunka kilometrora, eta bertan bonbaketari estrategikoak eta misilak daude.

Errusiak eta Ukrainak 175na preso trukatu dituzte

Publikatuta: 2025/03/19 16:46 (UTC+1) Azken eguneratzea: 2025/03/20 15:02 (UTC+1)

Atzo aurreratu zuen albistea Vladimir Putinek, Donald Trumpekin telefonoz izandako elkarrizketa eta gero. Ukrainak askatutako militar errusiarrak Bielorrusian daude, eta bertan arreta medikoa eta psikologikoa jasoko dute.

Trump eta Putin telefonoz mintzatu dira eta adostu dute su-etena azpiegituretan abiatzea

Publikatuta: 2025/03/18 18:35 (UTC+1) Azken eguneratzea: 2025/03/19 10:14 (UTC+1)

Kremlinek iragarri duenez, asteazken honetan Ukrainarekin 350 gerrako preso trukatu egingo dituzte. Hala ere, Putinek eskatu du Ukrainari atzerriko laguntza militarra eta inteligentzia informazioa erabat etetea.

Europako agintari militarrek bilera egingo dute ostegunean Ukrainari buruzko "fase eraginkor bat" hasteko

Publikatuta: 2025/03/15 11:43 (UTC+1) Azken eguneratzea: 2025/03/15 16:59 (UTC+1)

Starmerrek biltzeko deia egin dio Ukrainako gerraren amaierarekin konprometitutako eta AEBko presidente Donald Trumpek Etxe Zuritik piztutako zurrunbilo diplomatikoari aurre egiteko sortutako "Boluntarioen Koalizioa"ri.

Jonathan Powell, funtsezkoa Ukrainaren eta AEBren arteko bitartekaritzan

Publikatuta: 2025/03/14 21:22 (UTC+1) Azken eguneratzea: 2025/03/15 11:53 (UTC+1)

Keir Starmer Erresuma Batuko lehen ministroa zubi-lana egiten ari da Europa-Ukraina eta AEBren artean, eta protagonismo handia hartu du. Segurtasun gaietarako Starmerren aholkularia dago protagonismo horren atzean, Jonathan Powell, hain zuzen.

Kursken dauden soldadu ukrainarrek amore ematea jarri du baldintza gisa Putinek su-etena sinatzeko

Publikatuta: 2025/03/14 17:59 (UTC+1) Azken eguneratzea: 2025/03/14 20:39 (UTC+1)

Ordu batzuk lehenago, Trumpek iragarri du Putinekin izandako elkarrizketak "oso onak eta emankorrak" izan direla, eta "gerra izugarri eta odoltsu hau amaitzeko aukera oso ona" dagoela.

Ukrainak droneekin eraso egin dio errusiar findegi bati Itsaso Beltzean

Publikatuta: 2025/03/14 11:12 (UTC+1) Azken eguneratzea: 2025/03/14 13:24 (UTC+1)

Erasoan erregai-biltegi bat erre da eta horrek mila metro karratu baino gehiagoko sutea eragin du, Veniamín Kondrátiev Krasnodar eskualdeko gobernadoreak jakinarazi duenez.

Putin, su-eten proposamenaren alde, baina gatazkaren "jatorriak" ere mahai gainean jarriz

Publikatuta: 2025/03/13 18:02 (UTC+1) Azken eguneratzea: 2025/03/13 20:52 (UTC+1)

"Ideia ona da eta erabat babesten dugu, baina gai batzuk eztabaidatu behar ditugu", azpimarratu du Errusiako presidenteak. Putinen ahotan, Kurskeko egoera ikusita, 30 eguneko su-etena onuragarria izango litzateke ukrainarrentzat.

AEBko ordezkaritza bat Moskura joan da su-eten egitasmoa Errusiako agintariei aurkeztera

Publikatuta: 2025/03/12 22:38 (UTC+1) Azken eguneratzea: 2025/03/13 09:53 (UTC+1)

Su-eten proposamenari buruz Moskuren aldetik "mezu positiboak" jaso dituela esan du Trumpek, baina "mezu positibo batek ez du ezer esan nahi. Oso egoera larrian gaude. Egoerak Hirugarren Mundu Gerra ekar lezake", erantsi du.

Errusiak gatazkaren "arrazoi sakonei" heldu nahi die Ukrainarekin bakea adosteko

Publikatuta: 2025/03/12 17:08 (UTC+1) Azken eguneratzea: 2025/03/13 11:10 (UTC+1)

Sergey Lavrov Errusiako Atzerri ministroak kritikatu duenez, Europako estatuak Ukrainan "bake indarrak zabaltzearekin tematuta daude”. "Hori ez da gerrari amaiera emateko behar dena", ohartarazi du.

Zer paper jokatzen du Starlink sareak Ukrainan? Ba al du Europak alternatibarik?

Publikatuta: 2025/03/11 15:58 (UTC+1) Azken eguneratzea: 2025/03/11 20:37 (UTC+1)

Elon Muskek asteburuan ohartarazi zuenez, Starlink satelite-sistema itzaliko balu Ukrainan, "gerra-fronte osoa kolapsatuko litzaioke" Kievi. Horrek eztabaida sortu du Europar Batasunean, AEBko enpresa ordezka dezakeenik ote dagoen.

Ukrainak Errusiaren aurkako aireko erasorik handiena egin du

Publikatuta: 2025/03/11 08:53 (UTC+1) Azken eguneratzea: 2025/03/11 15:53 (UTC+1)

Errusiako hegazkinen aurkako defentsek 337 drone geldiarazi dituzte bart lurraldean, Moskuko kanpoaldean ere jo dute erasoek. Errusiaren aurkako aireko erasorik handiena izan da.

Ukrainak Errusiaren aurkako aire-erasorik handiena egin du

Publikatuta: 2025/03/11 08:25 (UTC+1) Azken eguneratzea: 2025/03/11 10:46 (UTC+1)

Errusiako aireko defentsek Ukrainako 337 drone suntsitu dituzte; asko, Moskuko kanpoaldean. Pertsona bat hil da eta hainbat zauritu dira.

Ubarretxena: ''Europaren defentsa horretan aukera berriak egon daitezke gure industriarentzat''

Publikatuta: 2025/03/10 10:13 (UTC+1) Azken eguneratzea: 2025/03/10 15:44 (UTC+1)

Egungo ezegonkortasun egoeraren aurrean, "Europak defendatu beharra" daukala adierazi du Maria Ubarretxena Eusko Jaurlaritzaren bozeramaileak, Euskadi Irratian egindako adierazpenetan, eta gaineratu du hori Euskadiko defentsa industriarako aukera bat izan daitekeela.

1 / 30 Hurrengoa