Elkarrizketak kultura arloko pertsonei

Martin Goikoetxeak AEBn bizitako esperientziak kontatuko dizkigu. Gainera, Gorritiko bertso afariko bertsoaldiak entzungo ditugu, baita Garesen jokatutako bardoen finalak ere. Larunbatean, 21:00etatik aurrera, ETB1en eta eitb.eus atarian.

Lucia Lacarra dantzari nagusia izan da munduko hainbat konpainietan, hala nola Marseillako Ballet Nazionalean eta Municheko Operan. Esfortzuaz, dedikazioaz eta minaz hitz egin digu dantzariak.

'Azken portuko postdatak' John Anduezak eta Asel Luzarragak idatzitako azken eleberria da. Saioan Anduezak idazketa-prozesuari buruz hitz egin digu. Gainera, euskal gazte literatura erakargarria sortzeko beharra azpimarratu du.

Nobelak kokatzen dituen lekuetara joan ohi da Jon Arretxe inspirazio bila. Zentzumen guztiak erne jarri eta lekuak berak oparitzen dizkio pertsonaiak eta egoerak. Bilboko San Frantzisko auzoa aproposa da horretarako. Hala, 10 liburu publikatu ditu jada, baina zenbaki borobilegia iruditzen zaio.

Kirmen Uribe 'Saturraran' operaz aritu da saioan. Zazpi urte eman dituzte opera idazten, musika jartzen... Lan honen xehetasun guztiak eman dizkigu Ondarroako idazleak.

Ane Pikaza artistak "Filtro" antzezlana aurkeztu du "Biba Zuek!" saioan. Hori da La Dramática Errante konpainiaren eta Montevideoko (Uruguai) Sala Verdi aretoaren arteko elkarlanaren emaitza. Horrez gainera, bere beste hainbat proiektuz aritu da.

2009an, Espainiako Narratiba Sari Nazionala bereganatu zuen "Bilbao-New York-Bilbao" nobelarekin. Esker oneko dago arrakastagatik, egun itzultzaile asko daudelako euskaratik zuzenean itzultzeko prest daudenak. Bere hitzetan, "miresmena azaltzen digute gure hizkuntzari eutsi nahi izan diogulako".

'Galbahea', bere liburu berria, aurkeztu digu Gotzon Barandiaran idazleak. Bere hirugarren poesia liburua da, eta, besteak beste, landutako askotariko gaien artean, maitasuna izan du ardatz.

"Nina", nafar zinemagilearen bigarren film luzea, zinemetara iritsi da, EITBren parte-hartzearekin. Zuzendariarekin berarekin eta Iñigo Aranburu aktorearekin hitz egin dugu, Patricia Lopez Arnaiz protagonista duen film garaikide eta feminista honi buruz.

Eneko Bidegainen "Bichta éder" eleberriak 111 akademiaren saria irabazi du. Eneko Bidegain idazleak literaturan izan duen ibilbideari buruz hitz egin digu. Orain beste proiektuetan murgilduta dagoela azaldu du.

"Arrakasta"n, hamaika euskal sortzaile elkarrizketatu ditu elgoibartarrak: Jon Garaño, Itziar Ituño, Izaro, Gorka Urbizu, Maider Egues, Harkaitz Cano, Eneko Atxa, Markel Irizar, Aizpea Goenaga, Eva Domingo eta Joxemari Agirretxe "Porrotx". Horiek guztiak eta bere burua deskribatu ditu test honetan.

Anarik zazpigarren diskoa kaleratu du, "Giza zarata", betiko poetikoari lotuta baina ikuspegi zabalago eta sozialagoarekin. 

Bilboko taldeak azken kontzertua eskainiko du larunbat honetan Miribillan, Bilbao Arenan, sarrera guztiak agortuta. Hamar urteko ibilbideaz mintzatu dira Huntzako taldekideak EITB Mediari eskainitako elkarrizketan.

Mikel Kazalisen osasun-arazoak, pandemia, Imanol Beloki bateria-jolearen agurra… 2019tik hona, Anestesia taldean gorabehera asko izan dira, baina orain indartsu daude, eta 2024an "Azken Heriotza" izeneko bira egingo dute. Mikel Kazalis "Biba Zuek!" saioan izan da.

Joserra Fachado eta Oihana Maritorena aktoreak izan dira "Biba Zuek!" saioan. Tomax eta Muxi pailazoen abenturak amaitzera doazela kontatu digute, eta agur esateko, aurten hainbat emanaldi berezi eskainiko dituzte Euskal Herriko udalerrietan.

Ander Lipus aktoreak "Antzerkiaren Labirintoan" izeneko bi liburu argitaratu ditu. Lehendabizikoan, bere ibilbideari buruzko pasadizoak bildu ditu; eta bigarrenean, antzerkiari lotutako hainbat gogoeta idatzi ditu. Gaur "Biba Zuek!" saioan izan da aktore markinarra.

Urtz taldeak bere bederatzigarren diskoa kaleratu zuen Durangoko Azokan: "Esnatzean". Xabi Camarero izan dugu "Biba Zuek!" saioan, eta lan berriaz hitz egiteaz gain, "Ez etsi" abestia zuzenean eskaini du.

Josu Martinezen "Bizkarsoro" filma Baigorrin kokatzen da, eta 1914tik 1982ra bitartean gertatzen diren bost istoriok osatzen dute. Denbora tarte horretan, euskaraz soilik hitz egiten zen herri batean, euskaldunak gaizki ikusiak eta gutxiengo izatera nola pasatzen diren erakusten du pelikulak.

Aitziber Garmendia, Jon Olivares eta Miren Arrieta aktoreek "Esnearen kolorekoa" antzezlana estreinatu berri dute, Mireia Gabilondo, Jose Ramon Soroiz eta Joseba Apaolaza antzezleekin batera. XIX. mendean, Ingalaterran, baserri batean bizi den familia baten istorio gogorra kontatzen du.

Xabi San Sebastian musikari donostiarrak disko berria argitaratu du: 'Betazalak'. Hamar abesti bildu ditu folkaren eragina duen lan berrian. Harekin hitz egiteko aukera izan dugu.

Lander Briones erizaina da, baina duela zazpi urte Madrilera joan zen, antzerki musikala eta zirkua ikastera; eta orain, zirku garaikideko konpainia propioa sortu du: Zirkuss. Halaber, egun, Gure Zirkuan ari da lanean.

Altxerri arte galeriako gestoreak abenduaren 31n zergatik itxiko dute azaldu digu. Gaztelaniazko adierazpenak.

Karmele Jaiok nobela berria argitaratu du: 'Maitasun Kapitala'. Olga da protagonista nagusia, eta istorioa haren bikotekidearen hiletan abiatzen da. Gizon hori nola maitatu duen, eta horrek berarengan izan duen eraginari buruzko hausnarketa egingo du Olgak.

Nerea Ibarzabal Salegi bertsolaria izan dugu "Biba Zuek!" saioko platoan, Bizkaiko Bertsolari Txapelketa irabazi osteko biharamunean. Lehia estua izan zuen Jone Uriarekin buruz burukoan, eta aitortu digu ez zuela espero garaipena.  

Mariyse Urruty antzezlea eta taula-zuzendaria izan da "Biba Zuek!" saioan. Adrienne Bergson pertsonaia sortu du. Emakume estatubatuarra da, ausarta, eta pertsona ezagunen aholkularia izan da, besteak beste, Barack Obamarena eta Bill Clintonena. Bakarrizketa berria 2024ko irailean estreinatuko du.

Lau urte eta gero, disko berria kaleratu du Urtz taldeak: "Esnatzean". Xabi Camarero abeslariarekin hitz egin dugu Durangoko Azokan.

Markos Gimeno artista polifazetikoa izan zen. Milaka palindromo sortu zituen, eta musikagintzan eta antzerkian ere ibili zen. Joseba Sarrionandiak Ermuko sortzaile handi horren ekarpena nabarmentzeko liburua aurkeztu du Durangoko Azokan, eta harekin izan gara.