EAJ-PNV

Espainiako Konstituzioa onartu duten 61 eurodiputatuen artean daude Idoia Mendia (PSOE), Pernando Barrena (EH Bildu) eta Oihane Agirregoitia (EAJ-PNV).

Lehendakari izendatu eta aste batera lehen elkarrizketa eman dio Imanol Pradalesek EITBri. Bere gobernuaren egitasmoak xehetu ditu eta "gizarteak eskatzen duenaren araberako Gobernua" osatu duela azaldu du.

Iñaki Oyarzabal alderdiaren Arabako presidente eta PPren Arabako Batzar Nagusietako bozeramailearen esanetan, Foru Gobernuak PPren proposamen gehienak onartu ditu, eta irailetik aurrera 2025eko aurrekontuen negoziazioaz hitz egiten hasiko dira.

Anduezak PSE-EEren Batzorde Nazionalean hitz egin du, eta bertan EAJrekin Eusko Jaurlaritza osatzeko negoziatutako gobernu-programa baloratu du. Esan duenez, "oso ehuneko handian" Alderdi Sozialistaren "hauteskunde-programa" da.

Botere Judizialaren Kontseilu Nagusia berritzeko PPk eta PSOEk sinatutako akordiotik aldendu da Aitor Esteban, eta aurreratu du bere alderdiak ez duela bozkatuko adostutako 20 hautagaietatik bakar bat ere. "Gehiengo nahikoa dute", gaineratu du.

Erabateko aldaketa ekarri du Imanol Pradalesek izendatutako Jaurlaritza berriak, politologoen arabera. Sail berriak eta profil horiek egokitzeko eta koordinatzeko gaitasuna eta lidergoa erakutsi beharko ditu Pradalesek, adituen aburuz.

Zin egin eta karguaz jabetu ostean, Imanol Pradales lehendakari berria kanpoan bildutako herritarrak agurtzera atera da. EITB Mediari egindako adierazpenetan, "lo gutxi eginda" etorri dela aitortu du.

Gernikako batzar etxean izandako ekitaldi solemnean Legebiltzarra osatzen duten 75 legebiltzarkideak izan dira, baita erakundeetako eta euskal gizarteko ordezkariak ere.

Demokraziaren seigarren lehendakari bihurtu da Pradales, aurreko lehendakariek bezala, Gernikako batzar etxean izandako ekitaldi solemne batean karguaren zina egin ostean. Iñigo Urkullu azken legegintzaldiaren lehendakariaren eskutik jaso du aginte makila.

Txalo artean, Urkullu lehendakaria izan da Pradales zoriontzen lehena. Besarkada sentitua, belaunaldien arteko erreleboa sinbolizatzen duena. Ondoren, Pradalesek PSEko buruaren eta oposizioko buru Pello Otxandianoren zorionak jaso ditu.

Imanol Pradales lehendakari izendatu berria "hunkituta" agertu da, inbestidura saioa amaituta egin dituen lehen adierazpenetan. Orain, "larunbateko ekitaldira begira" dagoela aitortu du. Egun horretan egingo du karguaren zina Gernikan.

EAJk eta PSE-EEk Eusko Legebiltzarrean duten gehiengo osoari esker (75 eserlekutatik 39) eskuratu du agintea. Gauzak horrela, Pradalesek larunbatean, ekainak 22, hartuko du kargua Gernikako Juntetxean.

Bakartxo Tejeria Eusko Legebiltzarreko presidenteak utzi du inbestidura saioko anekdota. Eneko Andueza sozialistak "Gora Euskadi" esanez amaitu du bere azken hitzaldia, eta Tejeriak "Gora" batekin erantzun dio. Barreak eta zalaparta eragin du egoerak Gasteizko Ganberan.

Pello Otxandianok eskua luzatu dio Imanol Pradalesi herri akordioak lortzeko, "elkar ulertzera behartuta gaude". Hala ere, Pradalesek erantzun dio ez dela fio «bere ikuspegiaz, bere betiko adanismoaz, Legebiltzarrari hamarkadetan izan dioten mespretxuaz».

EAJk Eusko Legebiltzarrean duen bozeramaileak azpimarratu duenez, jeltzaleek eta sozialistek "ezberdinen arteko" akordioa lortu dute; hobetzen, aurrera egiten eta eraikitzen lagunduko duten elkargune berriak bilatzeko.

Nerea Kortajarena EH Bilduko bozeramaileak hartu du hitza, eta "mapa politikoa aldatu" dela eta "belaunaldi politiko berri bat" Legebiltzarrean dagoela azpimarratu du. Deitoratu duenez, "bistakoa da, zuentzat gaurkoa tramite hutsa da", EAJri eta PSE-EEri erreferentzia eginez.

Koalizioko Eusko Jaurlaritza osatzeko akordioak "gizartearen arazoak konpondu eta gainditu gabe dauden erronkei aurre egiteko" balio izango duela nabarmendu du PSE-EEko idazkari nagusiak. Ildo horretatik, "sozialisten konpromiso zehatzak" jasotzen dituen "programa aurrerakoi bat" dela nabarmendu du.