Arabako Mendialdeko Kuadrilla

Kutxabanken bulegorik edo kutxazain finkorik ez dagoen tokietara autobus bat joaten da. Arabako 16 herritara joaten da, eta 4.000 biztanleri ematen die zerbitzua.

Arabako hainbat etxe eta txokok bat egin zuten Bizilagunak ekimenarekin. Jatorri kultural desberdinetako pertsonak eta bizilagunak mahai berdinean esertzea du helburutzat, zurrumurru arrazistak eta xenofoboak zalantzan jartzeko eta bizikidetza sustatzeko. Bertan bat egin dute EITB Maratoiarekin.

Arabako Foru Aldundiko langileak Arabako puntu desberdinak bisitatuko dituzte gau izandako txingor-prezipitazioek ortuetan, bideetan eta azpiegituretan izan zuten eragina ezagutzeko.

Azazetako parke eolikoak ondorioak izan ditzake aurreikuspen meteorologikoak egiteko erabiltzen den Kapilduiko radarrean. Horrenbestez, Eusko Jaurlaritza radar berria egitea aztertzen ari da.

Arabako Mendialdeko Lagran herria jendez husten ari da, eta bizilagunen biltokia zen jatetxeak ateak itxi zituen duela zortzi hilabete. "La Traviesa" berriz irekitzeko ekimena jarri du martxan udalak, herriari bizitasuna emateko eta bizilagunak erakartzeko asmoz.

Iñaki Huegunen eman digu ongietorria Maeztuko Mendialdeko okindegira. Zer-nolako eskaintza duten erakutsi eta gero, obradorera gonbidatu gaitu sabando gorriz egindako ogia prestatzera.

Azaroan jaso zuen lehen Michelin izarra Kanpezuko Arrea Jatetxeak. Ez hori bakarrik, jasangarritasunaren izar berdea ere lortu du. Horri guztiari buruz aritu gara jatetxeko sukaldariarekin, Edorta Lamorekin.

Segurtasun eta egokitzapen lanak behin amaituta, maiatzean irekiko dute bisitarientzako. Europan asfalto naturala ikusteko moduan duen meategi bakanetako bat da.

Arabako Kanpezu herrira joan gara, Iturrienea jatetxeko proposamen gastronomikoak ezagutzera. Han, Aizeti Lobok aurkeztu digu proiektua, eta ondoren, basurde haragia nola prestatzen duen ikusi dugu.

Miren Nogalesek zaldian dabilela topatu du Miguel Angel Diaz de Cerio. Miguel Angelek, duela zenbait urte, Zaldiharana izeneko hipika inklusiboa jarri zuen abian. Bada, zalditegian, Mirenek Patxo zaldiaren gainean munduari buelta emateko aukera izan du, eta musutruk.

San Martzial santua esku artean duela, Done Bikendiko elizan topatu du Pagadik Inma. Santa Ageda eguna dela eta, Santa Agedaz jantzi dute San Martzial, eta kalejiran joan dira Pagadi eta Inma.

Done Bikenditik paseoan dagoela, motor hots batek harritu du Miren, baina inguruan bizikleta batean doan Felipe Zelaieta ikusi du soilik. Felipek berak diseinatutako moto-bizikleta erakutsi dio Mireni, eta Miren tramankulu hori probatzen ausartu da! Onik aterako da?

Txus aizkora batekin topatu du Pagadik Done Bikendiko kaleetatik. Txus etxeko garajera doa egurra moztera, eta Pagadik laguntzea erabaki du. Superstiziosoa da Txus, eta garajean ferra eta gatza ditu, badaezpada. Bada, Pagadi egurra ukitzen atera da Txusen etxetik, zorte txarrik ez izateko.

Uribarri-Haranan, kotxe azpian topatu du David Fernández, "Davidin", Miren Nogalesek. Tekno musika eta gasolina dira "Davidin"en pasioetako bi. Herrian motorraren mundua gustukoa duten gazteek "Mendialdea Racing" taldea osatu dute, eta Miren "Davidin"ekin autoan bueltatxo bat ematera joan da...

Kontrastako inauterietako pertsonaia da 'Gatxi' eta, maskararen atzean, Miren Karmele Oria topatu du Mikel Pagadi aurkezleak. Miren Karmelek herriko hainbat ohitura eta abesti erakutsi dizkio Pagadari, hala nola, "Gatxi" pertsonaia, Rockilloren jaitsiera, "Gatxi porrero tripas de perro..." abestia.

Lau herriz osatutako udalerria da Harana. Miren eta Pagadi han izango dira, eskiak eta elur-erraketak hartuta, bazterrak nahasten eta bertoko herritarrak ezagutzen. Ez galdu, 22:00etatik aurrera, ETB1en eta eitb.eus atarian!

Joandako aita eta aiton-amonak izan zituen gogoan Edorta Lamok Michelin izarra jaso zuenean. Kanpezuko Arrea! jatetxeak bertako sukaldaritza eta historia ditu oinarri.

Diputatu nagusiak, Gasteizko alkateak eta Eudeleko presidenteak, Arabako Mendialdeko Koadrilako presidenteak eta Arabako Batzar Nagusietako presidenteak ekimenarekin bat egiteko adierazpen bat irakurri dute, eta herritarrei parte hartzeko deia egin diete.
 

Gaur goizaldean Kanpezuko suhiltzaileek bat egin dute Korrikarekin. Euren kilometroa korritzeaz gain, kamioien sirenak martxan jarri dituzte Korrikari babesa emateko (Irudiak: @BomberosAraba).

Irekita egon da azken orduetan Azazeta. Ez ordea Altube, Elosua, Herrera, Opakua eta Urduña mendateak.

Edorta Lamo sukaldariak bultzatutako proiektua tokiko gastronomia tradizionalaren eta XXI. mendeko sukaldearen arteko fusioan oinarritzen da, eta arrakasta handia lortzen ari da.

Urarten, Iñaki ezagutu du Pagadik. Bertako presidentea da, eta Urturi, Bajauri, Markinez, Kintana, Obekuri eta Urarte herriek osatzen duten "ezkerran komunitatea"ren berri eman dio. (Saioa, osorik, EITB Nahieran-en)

Urturiko termetan bainua hartu du Zuhaitz Gurrutxagak, Hectorrekin. Terma oso bitxiak dira, eta berezitasun guztiak azaldu dizkio, 40 gradutan dagoen uretan sartuta. (Saioa, osorik, EITB Nahieran-en)