Abeltzaintza

Buzoa jantzita, behiak jezten irakatsi dio Fidel abeltzainak Pagadiri. Hori bai, lehenbizi errapeak garbitu dizkiete. Ondoren, hazitarako zezenen katalogoari begira aritu dira biak, bat aukeratu eta hazia erosteko.

Bizkaiko nekazaritza eta abeltzaintza azokarik ezagunenetako bat da, eta ogia, Idiazabal gazta eta taloa erakutsi eta saltzen dira, besteak beste.

Lehen aldiz, Euskal Herriko Ardi moztaileen Txapelketa antolatuko da: Abadiñon izango da hitzordua, irailaren 27an. Han erabakiko da, baita ere, Zeelanda Berrian egingo den Munduko Txapelketara joango den euskal ordezkaritza. Joseba Attard Euskal Ardi Moztaileen Elkarteko kideak aurreratu du berria.

Patxiku Irisarrik (EHNE) eta Xabier Iraolak (ENBA) gaitzetsi egin dute EBk Mercosurrekin egindako akordioa, hango eta hemengo laborarien baldintzak eta betebeharrak ez baitira berdinak. Europako Parlamentuan nahiz tokiko gobernuetan atzera botako duten esperantza dute, negoziazioa bultzatzeko.

Ordiziako edo Gasteizko Santa Barbarako azokek beherakada izan dute azken urteotan.

Azken urte hauetan inork nahi ez duen gaia da artilea, eta, beraz, hondakin bezala tratatu behar da. Gipuzkoan, landa garapenerako agentziek biltzen dute, baina artzainek ordaindu egin behar izaten dute. Erronka artileari irtenbide bat bilatzean datza.

Urtero legez, urruneko lurretan artzain ibilitakoak bildu dira. Nafarroan batu dira oraingoan, Berueten, ordukoak gogoratzeko. Lan zaila zen, buru askoko artaldeak gobernatu beharra, bakardadean sarri, eguratsaren mende eta ingelesik jakin gabe, eta ez dute ahaztu.

Bizkaiko abeltzainak gehiengoa izan dira Pirinioetako arrazaren lehiaketaren hogeita hamazazpigarren edizioan. Urtero bezala, Gernikako Urriko Lehen Asteleheneko abeltzaintza-azokaren barruan egin da lehiaketan.

San Martin Unxen egon da Sukalerrian saioa. Guneko Arrautza Ekologikoak nola ekoizten dituzten azaldu digu Mikel Olitek.

Araban aurreikusita dauden 28 proiektuen aurka azaldu dira Gorbeialdea Defendatu eta Horrela Ez plataformak. Horien aburuz, proiektu horiek "ez dute garapen iraunkorrik ekarriko, enpresa horien onura ekonomikoa baizik, gure landa eta nekazaritza ingurunea sakrifikatuz".

Belardin, animaliak hiltzeaz gain, produktu ugari elaboratzeko aukera izango da. Horien balioa nabarmendu eta abeltzaintzan belaunaldi aldaketa erraztea izango du helburu, eta zuzenean kontsumitzaileen esku uztea, ekoizpen eta merkaturatze jasangarriagoa bultzatzeko.

Araizko kablearen historia berreskuratuz, begiralekua inauguratu dute Zezelainen, mailoetara begira. Azalpenak eman ostean, belarra moztu, buxiak egin eta kabletik bota dute, 60ko hamarkadan desagertutako teknika erabiliz. Memoriari eustea eta bisitariei ezagutzera ematea du helburu guneak.

Artzain Eguna ospatu dute gaur Uharte Arakilen eta, bertan, Nafarroako Idiazabal gazta onenaren lehiaketa egin dute. Hirugarren urtez, Lekarozko Infernuko Gasna gaztandegia izan da irabazlea. Iruñeko Alde Zaharreko Baserriberri jatetxeak eskuratu du gazta erdia, enkantean 4.800 euro ordainduta.

Gaur Uharte Arakilen ospatu den Artzain Egunean jakinarazi dute Euskal Herriko ardi moztaileen selekzioak ofizialtasuna lortu duela eta 2026an Zeelanda Berriko munduko txapelketan parte hartu ahal izango duela. Batzuk hasiak dira jada entrenatzen.