Prentsa aretoa
Abenduak 31 eta urtarrilak 1
"Piztu Telebista", "Biba 2025" gala berezia eta kanpaikadak Gasteiztik, 2025ari ongietorria egiteko ETB1en
eitb media
Gabon zahar gauean ezagutuko ditugu "Piztu Telebista" saioko sofakide berriak, 21:45ean hasiko den emanaldi berezian. Kanpaikaden aurretik eta ondoren, "Biba 2025" gala ikusgarria izango da ETB1en; eta 23:40ean, berriz, kanpaikadak, zuzenean Gasteiztik.
-
Musikaz beteriko "Biba 2025" gala, Maddalen Arzallusek eta Xabier Sukiak aurkeztuta
Umorea, musika eta nostalgia dakarzkigu ETB1ek 2024ari agur esan eta urte berriari ongietorria egiteko.
Hasteko, 21:45ean, ''Piztu Telebista'' saioaren denboraldi berriaren estreinaldia izango dugu ikusgai, gaur gaueko emanaldi bereziarekin. Izan ere, adin, jatorri eta harreman mota guztietako sofakide berriekin bueltan da EITBren familiarik dibertigarriena.
Ondoren, musikaz beteriko "Biba 2025" gala erraldoia izango dugu ikusgai, Maddalen Arzallusek eta Xabier Sukiak aurkeztuta. Hainbat talde eta musikari hartuko dituzte: Süne, Gontzal Mendibil, Maren, Gozategi, Idoia, Korrontzi, Bengo, Puro Relajo… izango ditugu entzungai, kanpaikaden aurretik (22:45) eta ondoren (00:15). Nobedade bezala, Oxabi taldea izango da platoan. Entretenimenduzko ikuskizun musikal handia, "Biba Zuek!" saioko aurpegi ezagunekin batera.
Musikaz beteriko 'Biba 2025' gala erraldoia
23:40ean Gasteizen egingo da zuzeneko konexioa, orduan hasiko baita "Kaixo 2025" kanpaikaden zuzeneko emanaldia, EITBk Plaza Berrian antolatu duen festa handiarekin. Aurten, Ilaski Serranok, Julen Telleriak eta Iñigo Agirrek aurkeztuko dute saioa eta Euskal Telebistan inoiz ikusi gabeko musika eta dantza ikuskizuna egingo da: Bulegok Euskaraldirako sortutako Gure Bihotzaren Taupadak abestia kantatu eta dantzatuko du.
