EAEko herritar bakoitzak 21,88 euro xahutuko ditu Erregetako Loterian

EAEko herritar bakoitzak batez beste 21,88 euro xahutuko ditu Erregetako Loterian. Estatuko herritarrek gastatuko dutena baino diru kopuru handiagoa da. Euskadin 47,9 milioi euro inguru salduko dituztela uste dute.

Konkretuki, estatuko loteria eta apustuen organismo nazionalaren arabera, Espainiako herritar bakoitzak batez beste 16,81 euro xahutuko ditu zozketan.

Erkidegoen artean, aurten gehien gastatuko duena Asturias izango dela ematen du, 25,19 euroko batezbestekoarekin, ondoren Gaztela eta Leon (25,08 euro), Valentzia (22,42 euro), Euskadi (21,88 euro), Errioxa (21,52 euro), Aragoi (21,03 euro), Kantabria (19,13 euro), Madril (17,77 euro), Gaztela-Mantxa (17,14 euro) eta Galizia (15,95 euro).

Ceutako (3,63 euro) eta Melillako (4,14 euro) herritarren gastua, aldiz, txikiena izango da. Gutxien xahutzen dutenen artean hurrenak Balear Uharteak (9,59 euro), Extremadura (11,37 euro), Andaluzia (12,73 euro), Katalunia (13,09 euro), Nafarroa (13,78 euro) eta Kanariar Uharteak (14 euro) dira.

Bestalde, loteria kopururik handiena Madrilen saltzea litekeena da (114,6 milioi euro), ondoren Valentzia (112,2 milioi euro), Andaluzia (106,9 milioi euro), Katalunia (98,4 milioi euro), Gaztela eta Leon (62,5 milioi euro), Euskadi (47,9 milioi euro), Galizia (43,8 milioi euro), Gaztela-Mantxa (35,6 milioi euro), Kanariar Uharteak (29,4 milioi euro) eta Murtzia (29,4 milioi euro).

Ceutan (308.200 euro) eta Melillan (350.000 euro), ostera, Erregetako Loteria kopururik txikiena salduko da. Zerrendan hurrenak Errioxa (6,8 milioi euro), Nafarroa (8,8 milioi euro), Balear Uharteak (10,5 milioi euro), Kantabria (11,2 milioi euro), Extremadura (12,5 milioi euro), Asturias (26,7 milioi euro) eta Aragoi (27,8 milioi euro) dira.