Horrela kontatu dugu Erregetako Loteriaren Zozketa

12:24ean: Erregetako Zozketaren lehen saria 30.875 zenbakiari egokitu zaio. Serie bakoitzeko 2.000.000 euro jasoko du saridunak. Zenbaki hau Murtzian, Tenerifen eta Leonen saldu dute.

12:21ean: 46.674 izan da zozketaren bigarren saria. Zenbaki honen serie bakoitzak 1.000.000 euro jasoko ditu. Estatuko 30 bat udalerritan saldu dute, tartean, Azkoitian (Gipuzkoa).

12:20ean: Zozketaren erdia gaindituta, hemendik gutxira sari nagusiak aterako dituzte San Ildefonsoko umeek: lehenengo sariak serie bakoitzeko 200.000 euro jasoko ditu; bigarrenak, berriz, 100.000 euro.

12:15ean: Ondoren, serie bakoitzeko 14.000 euro jasoko dituzten zenbaki saridunak aterako dituzte.

12:10ean: Hiru zifrako amaiera duten zenbakiak abestu dituzte umeek. Serie bakoitzak 1.000 euro jasoko ditu.

12:02ean: Bi zifrako amaiera duten zenbaki saridunak hasi dira ateratzen. Serie bakoitzak 400 euro jasoko ditu.

12:00etan: San Ildefonsoko umeak oholtza gainean dira dagoeneko, eta lehenengo sariak ateratzen hasi dira.

11:40ean: Euskadin 29 aldiz jausi da Erregetako Loteriaren sari nagusia. Bizkaira joan da gehienetan lehen saria: 20 aldiz. Gipuzkoan (8 aldiz) eta Araban (behin) ere egokitu da.

11:30ean: Euskal herritar bakoitzak 28 euro inguru batez beste gastatu ditu Erregetako Loterian, iaz baino % 25 gehiago. Katalunian, Madrilen eta Andaluzian jausi dira gehien loteria honen sariak. Halaber, diru kopuru gehien inbertitu duten erkidegoak dira.

11:20ean: Gaurko zozketak 840 milioi euro banatuko ditu. Lehen aldiz, 2.500 eurotik gora sariek % 20ko zerga izango dute. Ondorioz, lehen sariko dezimo bat duenak 160.000 euro jasoko ditu, eta ez 200.000 euro orain arte bezala.

11:15ean: Hemendik 45 minutura, Haurraren Loteriaren zozketa hartuko du Madrilgo LAEko aretoak.