Zinema
Azaroak 4-7
Zinemako sarrerak, 3,5 euroan Hegoaldean
N. V. | EITB Media
Herritarrek "Los Williams", "Soy Nevenka", "La infiltrada", Katixa Agirreren eleberri batean onarritutako "Salve Maria", "The substance", "The room next door" eta "Anora" sarituak ikusi ahalko dituzte, besteak beste.
-
"Salve Maria" Katixa Agirreren nobela batean oinarritutako filma dago ikusgai zinemetan
Astelehenean, azaroak 4, Zinemaren Jaia hasiko da Hegoaldean; ostegunera, hilaren 7ra, arte, zinemako sarrerak 3,5 euroan egongo dira salgai.
Zinematografia eta Ikus-entzunezko Arteen Espainiako Institutuak, Espainiako Zinema Federazioak eta Zinema Banatzaileen Federazioak antolatzen dute Zinemaren Jaia, eta ikusleek ez dute aparteko ezer egin beharko ekimenarekin bat egin duten zinemetan eskaintza baliatzeko.
Hegoaldeko zinema aretoetan, ikusgai egongo dira Los Williams dokumentala, Soy Nevenka, La infiltrada, Salve Maria Katixa Agirreren Amek ez dute eleberrian oinarritutako filma, Los destellos Eider Rodriguezen Bihotz handiegia kontakizunean oinarritutakoa, The substance, Venom: The last dance, Joker: folie à deux, eta Veneziako eta Cannesko zinema jaialdietako film irabazleak, The room next door Pedro Almodovarrena eta Anora Sean Bakerrena, hurrenez hurren.
Ipar Euskal Herrian, ekainaren 30etik uztailaren 3ra egin zuten Fête du Cinéma, sarrerak 5 euroko prezioan zeudela.
