Zinema
Beldurrezko zinema
Ti Westek "The Sacrament" aurkeztuko du, Fanten
Erredakzioa
West beldurrezko zinemaren zuzendari berri nabarmena aretoan egongo da, Kate Lyn Sheil protagonistarekin batera, filma aurkezteko.
![](http://media.eitb.eus/multimedia/images/2014/05/12/1375144/ti-west_foto610x342.jpg)
![](http://images14.eitb.eus/multimedia/recursos/generales/play_gris_grupohome.png)
Ti West, beldurrezko zinemagile gazte estatubatuar ezaguna, Bilbon egongo da astelehen honetan, "The Sacrament" film luzea aurkezteko. Talde sasi-erlijioso baten inguruko istorioa kontatzen da filmean: Guyanan 70eko hamarkadaren amaieran Herriaren Tenplua Jim Jones buru zuen sektak jarraitzaile guztien suizidio kolektiboa eragin zuen. Westekin batera, filmeko antzezle protagonista izango da: Kate Lyn Sheil "House of Cards" telesailean jardundakoa, adibidez.
19:45ean emango dute filma, Golem zinemetako 1 Aretoan, Sail Ofizialeko beste bi filmak proiektatuko diren toki berean. Bi lan horiek "Escape from tomorrow" Randy Mooreren pelikula (17:30) eta "OXV: The Manual" (22:00) dira.
Nontzefilmak lehiaketaren irabazleak
Orotara, 73 film jaso dituzte Nontzefilmak Nontzeberrik antolatutako Film Laburren lehiaketan: zinemako atalean 47 eta animaziokoan 26. Zinemako lan onenaren saria Néstor Fernández Bartzelonako zinemagileak jaso du, "Morado" lanarekin; animaziozko lan onenaren saria Jaime Ekkens estatubatuarrak jaso du, "A Life with Asperger's" lanari esker; euskaraz eginiko lan onenaren saria Alberto Gastesik hartu du, Ahaztutako denboraren mapa lanari esker.