kultura
Musika
Oasis bueltan da
EITB Media
Britainia Handiko bandak 14 kontzertu emango ditu Cardiff, Manchester, Londres, Edinburgo eta Dublinen.
Gallagher anaiek Oasis taldearen itzulera iragarri dute. 15 urte banatuta egon ondoren, Britainia Handiko bandak 14 kontzertu emango ditu 2025eko udan.
Sare sozialetan iragarri dutenez, sarrerak larunbatean jarriko dira salgai Erresuma Batuan eta Irlandan.
Oasis will tour the UK & Ireland in summer 2025!
— Oasis (@oasis) August 27, 2024
Tickets go on sale this Saturday 31st August.
IRE ¿¿ 8am IST
UK ¿ 9am BST
Full information ¿https://t.co/EtNuE2Hx6b
*These dates will be the band’s exclusive European appearances. pic.twitter.com/C5I0NVWS68
Kontzertuen datak eta lekuak honako hauek dira:
2025eko uztaila:
4 - Cardiff, Principality Stadium
5 - Cardiff, Principality Stadium
11 - Manchester, Heaton Park
12 - Manchester, Heaton Park
19 - Manchester, Heaton Park
20 - Manchester, Heaton Park
25 - Londres, Wembley Stadium
26 - Londres, Wembley Stadium
2025eko abuztua:
2 - Londres, Wembley Stadium
3 - Londres, Wembley Stadium
8 - Edinburgo, Scottish Gas Murrayfield Stadium
9 - Edinburgo, Scottish Gas Murrayfield Stadium
16 - Dublin, Croke Park
17 - Dublin, Croke Park
2009an banatu zen Oasis taldea, Parisko musika jaialdi batean Gallagher anaiek izan zuten liskar handi baten ondoren. Aurretik ere, 1991an Manchesterren sortu zirenetik, hainbat haserrealdi izan zituzten.
Oasis Britainia Handiko talderik esanguratsuenetakoa izan da. Lehen diskoa -Definitely Maybe- kaleratu zutenean, 15 milioi kopia saldu zituzten. Bigarrenarenarekin, -(What's the Story) Morning Glory- arrakasta handiagoa izan zen; 30 milioi kopia saldu zituzten. Eta hirugarrena -Be Here Now- denbora laburrenean ale gehien saldutako historiako diskoa izan zen; izan ere, lehen egunean 520.000 ale saldu zituzten.
