kultura
Hitzarmena
Eusko Ikaskuntza eta Euskal Herriko zazpi unibertsitateak lankidetzan arituko dira kultura proiektuetan
N. V. | EITB Media
Euskal Herriko elkargune zientifiko-kulturalak alboan izango ditu EHU, Deustuko Unibertsitatea, Mondragon Unibertsitatea, NUP, Nafarroako Unibertsitatea, UNED eta Université de Pau et des Pays de l'Adour.
-
Ana Urkiza (Eusko Ikaskuntza) eta unibertsitateen ordezkariak
Eusko Ikaskuntzak eta Euskal Herriko zazpi unibertsitateek lankidetza hitzarmen bat sinatu dute gaur Bilboko udaletxean, "espazio akademiko handi bat" sortzeko "kultura mundu euskaldunari" buruzko ezagutza eta ikerketa proiektuak sustatzeko.
Ekitaldian, hitza hartu dute Eva Ferreira García (UPV/EHU), José María Guibert (Deustuko Unibertsitatea), Vicente Atxa (Mondragon Unibertsitatea), Ramón Gonzalo (Nafarroako Unibertsitatea Publikoa), Alfonso Sánchez-Tabernero (Nafarroako Unibertsitatea) eta Ricardo Mairal Usón (UNED) errektoreek eta Ernesto Expósito (Université de Pau et des Pays de l'Adour) Nazioarteko Harremanen presidenteordeak.
Solasaldietan, hizlariek akordioaren aukerak nabarmendu dituzte, "gizartea pertsonen prestakuntza integralaren bidez eraldatzeko eta ezagutza sortu eta transferitzeko".
Zeregin horretan, Eusko Ikaskuntzak, erakunde integratzailea den aldetik, etorkizuneko agertokiak eta estrategiak diseinatzen eta epe luzeko ikuspegia duten gizarte-beharrak identifikatzen lagundu behar du.
