kultura
Ostegunean
Horman Poster kolektiboak 'Antigona' tragediaren euskarazko bertsioa estreinatuko du
eitb.eus
Arriaga Bilboko antzokiak hartuko du “Antigone edo ezetzaren beharra” Sofoklesen tragedia klasikoaren bertsio garaikidearen estreina.
-
Antzezlan klasiko jokatuena da "Antigona". Argazkia: Yuri Agirre.
Arriaga Bilboko antzokiak “Antigone edo ezetzaren beharra”ren, Horman Poster kolektiboak “Antigona” tragedia klasikoari egindako berrikuspen garaikide euskarazkoaren, estreina hartuko du ostegunean, hilak 5, 19:30etik aurrera.
Horman Posterrek ekoitzitako lana “Antigona”ren Sofoklesen bertsioaren eta ondorengo bertsio batzuen (J.Anouilh, B.Brecht, Maria Zambrano, Zizek, Judith Butler, Jokin Zaitegi) egokitzapen librea da.
Igor Quadraren zuzendaritzapean arituko diren aktoreak Xanti Agirrezabala, Maite Aizpurua, Jon Ander Urresti eta Matxalen de Pedro dira.
Hizkuntza eszeniko eta estetika ezberdinekin eraiki du kolektiboak antzezlan hau: offeko narrazioa, arbola genealogikoa argitzen duten kartelak, gorputza eta ahotsa eraldatzen duten objektuak, mugimendu koreografiatua eta eszena koral nahiz bakarkakoak.
