kultura
Antzerkia
Gaur banatuko dituzte Max sariak Valladoliden, zazpi euskal izendatu daudela
eitb.eus
Alfredo Sanzol, 'Erritu' Kukairen ikuskizuna eta Ertza eta Gorakada konpainiak Arte Eszenikoen Espainiako sariak irabazteko hautagaiak dira.
-
Gorakadaren 'Ulisesen bidaiak', haur, gazte eta familientzako ikuskizun onenaren sarirako hautagaia
Max Arte Eszenikoen Espainiako Sariak gaur, maiatzak 20, banatuko dituzte, Valladoliden, eta euskal antzerkigintzak ordezkaritza izango du bertan, beste urte batez.
Antzezlan onenaren sarirako hiru hautagaietako bat La ternura Alfredo Sanzol iruindarraren lana da, eta The Opera Locos Klemark Espectáculos Teatrales egoitza Bizkaian duen enpresak ekoitzitako lana ikuskizun liriko eta musikal onenaren eta jantzi diseinu onenaren ataletan lehiatuko da.
Halaber, Erritu Kukai konpainiaren ikuskizunak ere bi hautagaitza ditu, koreografia onenarena eta dantzako gizonezko interprete onenarena (Eneko Gil). Hautagaitza bakarra lortu du, bere aldetik, Gorakada taldearen Ulisesen bidaiak lanak, haur, gazte eta familientzako ikuskizun onenaren atalean.
La teta de Janet Ertza konpainiaren antzezlanak, bestalde, ikuskizun eszenikorako konposizio musikal onenaren saria irabaz lezake.
