Musika
Uztailak 19-27
Iñaki Salvador, Arima Soul, Marco Mezquida eta Bascolombia proiektua, Chillida Lekun Jazzaldian
N. V. | EITB Media
Donostiako Jazzaldiaren 60. edizioan, sei kontzertu egingo dituzte Chillida Lekun.
-
Iñaki Salvador eta Marco Mezquida pianistek Dichosos tributos aurkeztuko dute. ©Mireia Miralles
Donostiako Jazzaldiak sei kontzertu eramango ditu Chillida Leku museora, jaialdiaren 60. edizioan.
Uztailaren 19an, Bascolombia proiektua oholtzaratuko dute Oreka TXk eta Phonoclórica kolonbiar taldeak, eta uztailaren 20an Iñaki Salvador eta Marco Mezquida pianistek Dichosos tributos proposamena aurkeztuko dute.
Jazzaldian lehen aldiz, bi kontzertu Chillida Lekuko Zabalaga baserrian egingo dira: uztailaren 26an, Lew Tabackin flautista eta saxofoi tenor handiaren laukotea eta, uztailaren 27an, Jordina Millà & Barry Guy pianista eta kontrabaxua.
Umeei begira, bi kontzertu izango dira goizez: uztailaren 25ean Claire Martin abeslari britainiarra arituko da; uztailaren 26an, berriz, Arima Soul euskal taldea.
