Musika
Kontzertua
Juan Luis Guerrak kontzertua eskainiko du uztailaren 7an BECen
N. V. | EITB Media
Barakaldoko erakustazokak dominikar artista mitikoaren eta 4.40 bere taldearen emanaldia hartuko du. Sarrerak otsailaren 21ean jarriko dituzte salgai.
-
Juan Luis Guerra dominikar musikaria
Juan Luis Guerrak "Entre Mar y Palmeras 2022" diskoa, bere kantu ezagunenen zuzeneko bertsioaren bilduma, aurkezteko egingo duen bira BECera iritsiko da uztailaren 7an, ostegunarekin, martxoaren 5ean Houstonen (AEB) hasi, eta, besteak beste, Miami, Chicago eta Puerto Rico igaro eta gero.
Barakaldoko kontzerturako sarrerak otsailaren 21ean jarriko dituzte salgai, 10:00etan, lasttour.org eta seetickets.com/es webguneetan.
Kantu zerrendan ez dira faltako "Rosalía", "El Farolito", "Visa Para un Sueño", "La Bilirrubina", "El Niágara en Bicicleta", "Las Avispas", "A Pedir Su Mano", "Kitipun" eta "Pambiche de Novia" ospetsuak, esaterako: merenguea, bachata, salsa, boleroa, afro-popa, jazza, baita rock-and-rolla eta gospela ere.
Juan Luis Guerra artista latino arrakastatsuenetakoa da nazioarte mailan. Dominikar kantari, konpositore, letragile eta ekoizleak 70 milioi disko saldu ditu mundu osoan, eta sari andana bat jaso du, hala nola 21 Grammy Latino.
Kontzertuak Radio Euskadiren babesa du.
