Literatura
Nobel sariak
Suediako Akademiak aurten Literaturako bi Nobel banatuko dituela berretsi du
2018ko saria atzeratu egin zuten, erakunde barruko filtrazio eta abusuen salaketek hautsak harrotu baitzituzten.
-
Literaturako 2018ko saria atzeratu egin zuten, erakunde barruko hainbat eskandalu tarteko
Suediako Akademiak Literaturako bi Nobel sari emango ditu 2019, aurtengoari dagokiona eta 2018an, filtrazio eta abusuen inguruko eskandalua zabaldutakoan, atzeratutakoa, Anders Olsson idazkari iraunkorrak gaur baieztatu duenez.
“Bi Nobel sari egongo dira, espero genuen bezala, iaz gordetako saria ere ebatziko da”, adierazi du Olssonek Nobel Fundazioaren zuzendaritza taldearen bilera baten ondoren.
Akademiak 2018ko saria atzeratuko zuela iragarri zuen maiatzean hainbat kidek erakundea uztea eragin zuen krisiaren ondorioz, azken zazpi hamarkadetan aurrekaririk ez zuen erabakia hartuta.
