Anjel Lertxundik irabazi du Saiakera Sari Nazionala

Anjel Lertxundi euskal idazleak irabazi du 2010eko Entseguaren Sari Nazionala, Eskarmentuaren paperak obrarekin. Goraipemena Espainiako Gobernuko Kultura Ministerioak ematen du, eta urtean genero bakoitzean edozein hizkuntza koofizialetan publikatutako obra onena saritzea du helburu.

"Ez nuen uste Espainiako Literatura Saria irabaziko nuenik, gutxiago saiakera sailean", esan du Lertxundik, izan ere, liburu hori bere ohiko lanengatik "oso urruti dago".

1994an Narratiba sailean izan zen finalista Espainiako Literatura Sarian, Otto Pette eleberriari esker. Ángeles González-Sinderen deia jaso duenean, "sekulako sorpresa" hartu duela aitortu du. "Nire liburua irakurtzeko desiatzen dagoela esan dit", goraipatu du eta "oso adeitsua" izan da, "lankide bezala" deitu diolako (biak gidoilari bezala jardun dira).

Patxi Lopez lehendakariak idazlea zoriondu du, telegrama bidez. Gaur jakinarazi duten sari honek euskal literaturak bizi duen egoera ona agerian uzten duela esan du Patxi Lopezek. Lehendakariaren ustetan, Lertxundik euskarazko narratiba berritu du, munduko beste herrialdeetan egiten denaren mailan jarriz. Patxi Lopezek aitortu du Lertxundi beti izan duela Euskadin egiten den literaturaren erreferente, eta saria saiakeran jaso izana ere kontuan hartzekoa dela. ''''Anjel Lertxundiren lanaren aldaberatasunaren adierazgarri da''''.

Rogelio Blanco Liburuaren zuzendaria da epaimahaiaren burua. Gainera, Gregorio Salvador, Víctor Fernández, Sebastián García, Marta Pessarrodona, Alfonso Novales, Francisca Rubio, Santos Alonso, María Teresa Pascual, Estrella de Diego eta 2008 eta 2009ko sarien irabazleak, Justo Beramendi eta Manuel Reyes Mate, izan dira beste epaimahaikideak.

Alberdania, bere lanak kaleratzen dituen argitaletxearen arabera, autorea bere buruari buruz ari da Eskarmentuaren paperak lanean, baina helburua ez da autorea, bere ibilbidea 40 urtetan zehar jarraitu duen irakurlearekin hizketaldia edukitzea.

Anjel Lertxundik (Orio, 1948) euskaraz idatzi du bere ibilbide osoan. Haur eta gazte literaturan oinarritu da, baina eleberriak eta saiakerak ere idatzi ditu. Euskarazko narratibaren iraultzaileetako bat izan da eta literaturarekin esperimentatzeko erabiltzen du, herri sineskeran oinarritzen delarik.