Literatura
Nazioarteko prentsa
Gabriel Garcia Marquezen heriotza, mundu osoko hedabideetako lerroburu
Iker Gonzalez | eitb.com
Bost kontinenteetako hedabideek jaso dute Literatura Nobel saridunaren heriotzaren albistea. Hona hemen nabarmenenak.
-
Gabriel Garcia Marquezen heriotzaren albistea, The New York Times-en azalean. IRudia: nytimes.com
"Gabriel Garcia Marquel hil da" azken orduko teletipoa zabaldu eta berehala argitaratu dute munduko bazter guztietako hedabideek Literatura Nobel Saria jaso zuen idazlearen heriotzaren albistea, paperezko edizioetan, zein digitaletan.
Bost kontinenteetako hedabideetan ageri da Gabriel Garcia Marquez hil dela, eta idazle kolonbiarraren lanek aztarna sakona utzi dute munduko bazter guztietan.
BBC Ingalaterrako telebista publikoak, esaterako, leku nabarmena eman dio Garcia Marquezen heriotzaren albisteari.
Egipton ere, kiosko guztietako egunkarietan ageri da idazlearen heriotzaren berri.
Arabiako gizarteak ere izan du heriotzaren berri, eta Qatarreko Al Jazeera telebistak leku nabarmena egin dio albisteari.
AEBn ere izan du ohiartzuna Garcia Marquezen heriotzak.
Turkiako Milliyet egunkariak, azalean nabarmendu du 'Gabo'ren albistea.
The Globe and Mail Quebeceko egunkariak ere jaso du heriotzaren albistea.
García Márquez hil da
Gabriel García Márquez, XX. mendeko idazle garrantzitsuenetariko bat eta 1982an Literaturaren Nobel saria jasotakoa hil da, 87 urte zituela, Mexikon duen etxean. Kolonbiako idazleak kritikaren eta publikoaren onespena lortu zuen "Heriotza iragarritako baten kronika", "El amor en tiempos de cólera" eta "El coronel no tiene quién le escriba" eleberriekin, baina batez ere bere lehen arrakastarekin: "Cien años de soledad".
García Márquez martxoaren 31ean ospitaleratu zuten pneumonia zuela eta. Astebete egin zuen ospitalean birikietako eta gernu-bideetako infekzioa eta deshidratazioa sendatzeko. Medikuek hobera egin zuela adierazi zuten orduan, baina idazlearen osasun egoerari buruzko berriak etengabeak izan dira ordutik, eta minbizi linfatikoa txartu zitzaion zurrumurrua ere zabaldu zen.
Astelehenean familiak onartu zuen idazlea oso makal zegoela, eta larritasunaren barruan egonkor bazegoen ere, konplikazioak egoteko arriskua zegoela.
Ostegun honetan, apirilak 17, hil da Gabriel García Márquez, Mexikoko bere etxean, 87 urte zituela.
