Bertsolaritza
BERTSOLARITZA
Nerea Ibarzabalek irabazi du 2021eko Bizkaiko Bertsolari Txapelketa
EITB Media
Buruz burukora iritsi da Jone Uria getxoztarrarekin batera, eta berak eramango du txapela Markinara. Atzetik geratu dira Etxahun Lekue, Xabat Galletebeitia, Onintza Enbeita, Aitor Bizkarra, Aitor Etxebarriazarraga eta Gorka Pagonabarraga.
Nerea Ibarzabalek irabazi du 2021eko Bizkaiko Bertsolari Txapelketako finala, Bilbao Arenan jokatutako finalean.
Jone Uria Albizuri, Etxahun Lekue Etxebarria, Aitor Bizkarra Ruiz, Aitor Etxebarriazarraga Gabiola, Gorka Pagonabarraga Agorria, Onintza Enbeita Maguregi eta Xabat Galletebeitia Abaroa bertsolariei gailendu zaie markinarra.
Irabazlearekin batera Jone Uria getxoztarra iritsi da buruz burukora.
Horrela geratu da puntuazioa:
Nerea Ibarzabal Salegi: 874,5
Jone Uria Albizuri: 866
Etxahun Lekue Etxebarria: 520,5
Xabat Galletebeitia Abaroa: 507,5
Onintza Enbeita Maguregi: 489,5
Aitor Bizkarra Ruiz: 486
Aitor Etxebarriazarraga Gabiola: 484
Gorka Pagonabarraga Agorria: 464
Nerea Ibarzabalen amaierako agurra:
Gure etxeko andre guztiak
Nahi nituzke ohoratu
Egoerarik gogorrenetan
Ez direnak hondoratu
Bizikideei, bertsokideei
Bihotzetik bost olatu
Badago nondik jasoa eta
Badago zer geroratu
Muga, kartzela, harresi, ibai…
Galerak zelan kontatu
Merkantzientzat bideak libre
Ta pertsonak zokoratu
Baina itzarrik eusten gaituzten
Ideia horiei oratu
Hormak higatu daitezkeelako
Ta arrakalak loratu
Hitzetik Hortzera
Ikusi Hitzetik Hortzera berezia Bizkaiko Bertsolari Txapelketari buruz.
