Eider Adeletxe eta Ane Zubeldia Mejillon Tigre kolektiboko kideak elkarrizketako ditu Mirari Martiarenak. Bestalde, Iruñeako eta Oiartzungo saioetako bertsoaldiak emango dira, 21:00etatik aurrera, ETB1en eta eitb.eus atarian.

Aner Peritzek Gipuzkoako Txapelketako finalaurrekoan Zarautzen bota zuen bertsoa biral egin zen. Ze ondorio atera ditu Anerrek gertatutako horrekin guztiarekin? Bere esanetan, saioak arantza bat kentzeko aukera eman zion. Hura pertsonalismora eraman duten diskurtsoek amorratu dute gehien.

Abenduaren 14an jantzi zuen Alaia Martinek Gipuzkoako Bertsolari Txapelketako txapela. Buruz burukoan Beñat Gaztelumendiren aurka aritu zen, baita 2015ean ere. Lagun minak dira; baina, taula gainean, arerioak. Nola moldatzen dira, orokorrean, bertsokideak lehia horrekin?

Ipar Euskal Herriko lehen emakume bertsolaria izan zen Maria Luisa Erdozio. Hari buruz hitz egingo du Mirari Martiarenak Maite Deliart historialariarekin. Horrez gain, Aramaioko eta Pasai Donibaneko bertsoaldiak emango ditu saioak. 21:00etan, larunbatean, ETB1en eta eitb.eus atarian.

Imanol Artolak 10 urte bete ditu gai-jartzaile lanetan, 2015ean hasi zen Gipuzkoako Txapelketan. Gai-jartzailearen lana zein den azaldu du saioan, bere lan egiteko modua ere azalduz.

Bertsolari, musikari, idazle… Sortzaile nekaezina da Jon Maia. Bere ustez, etengabeko ikasketa prozesu batean bizi gara, eta denborak gauza asko  irakasten dizkigu, estereotipo eta aurreiritziekin apurtzen, esaterako. Etorkinen semea izateak sortu zion buruhaustea gainditu zuen horri esker.

Patxi Bisquertek "Ombuaren itzala" filma aurkeztu du. Pello Mari Otaño bertsolari-poetaren bizitzari buruzko lana da. Finantzazioa lortzeko bestelako bide batetik jo dute: auzolanaren bitartez lortu dute lana egin ahal izateko dirua.

Oñatiko japoniarra deitzen diote Hyde Dohinori. Historia ikertzera etorri zen Euskal Herrira, eta bi urtean ikasi du euskaraz eta bertsotan. Bestalde, Amurrioko saioko eta Ondarroako Erregetako jaialdiko bertsoaldiak izango ditugu ikusgai Mirari Martiarenak aurkezten duen saioan.

Onintza Enbeita Maguregi Bizkaiko bertsolari txapelketa irabazi duen lehen emakumea da, eta iruzurtiaren sindromea pairatu du. Urteekin ikasi du finaletara iristean bere buruari esaten merezita iritsi dela bertara. Kostatu zaio, baina onartzen du badela atzetik datozenen erreferentea.

Jagoba Arrasate Osasunako entrenatzaile ohiak euskararen aldeko bertsoa bota zuen Pello Reparazen Zetak taldeak Nafarroa Arenan eskaini zuen 'Mitoaroa' kontzertu-ikuskizunean.

Alaia Martinek estreinakoz irabazi du Gipuzkoako Bertsolari Txapelketa. Lau aldiz iritsi da finalera eta 2024an lortu du irabaztea. Txapelketari buruz eta bere ibilbide pertsonalari buruz hitz egin du Alaiak.

Gipuzkoako bertsolari txapeldun gisa lehen orduak igaro ditu jada Alaia Martinek. Oiartzunen hitzordua izan du goizean ETBrekin, eta atzoko sentsazioei buruz zein etorkizunerako planei buruz aritu da.

Alaia Martinek irabazi du Gipuzkoako Bertsolari Txapelketako finala. Oiartzuarrak Beñat Gaztelumendiren kontra jokatu du azken buruz burukoa. Oihana Iguaran, Ane Labaka, Aner Peritz, Nerea Elustondo, Andoni Rekondo eta Eneritz Artetxe izan dira hurrengoak sailkapenean.

Larunbatean, 16:45etik aurrera, Donostiako Illunbetik zuzenean emango dugu Gipuzkoako bertsolari txapelketako finala. Zortzi bertsolari arituko dira: Alaia Martin, Andoni Rekondo, Ane Labaka, Aner Peritz "Euzkitze", Beñat Gaztelumendi, Eneritz Artetxe, Nerea Elustondo eta Oihana Iguaran.

Gipuzkoako Bertsolari Txapelketako finala jokatuko da larunbatean, abenduaren 14an, Donostia Arenan. Zortzikote finalista bertan izan da gaur, larunbateko saioa aurkezten, eta azaldu dute nola bizi dituzten azken egun hauek.

Gipuzkoako Txapelketaren bigarren finalaurrekoan, hasierako agurrean, bertsolari zarauztarrak bere haurtzaroko traumak eta beldurrak kantatu zituen auzokideen aurrean.