Artea
Erakusketa
Chillidak grabitatearen egindako borroka, "Zero grabitatea" Chillida Lekuko erakusketan
N. V. | EITB Media
30 piezako erakusketa azaroaren 24tik aurrera egongo da bisitagai, eta "Chillidak, bere pentsamenduaren funtsezko oinarri gisa, zientziarekin, espazioarekin eta filosofiarekin zuen interesa" erakutsiko du.
-
Eduardo Chillida, "Elogio del agua" eskulturaren aurrean. Argazkia: J. Maestre.
Azaroaren 24an, Chillida Lekuk "Zero Grabitatea" aurkeztuko du, Eduardo Chillidak grabitatearen fenomenoa eta horren aurkako borroka esploratzeko erabili zituen zenbait lan biltzen dituen erakusketa.
"Grabitatearen aurkako borroka hori 1950eko hamarkadaren amaieran hasi zen sumatzen, eskulturak sabaitik zintzilikatzen hasi zenean, bai eta Yunque de sueños seriean eta 1960ko hamarkadaren amaierako Haizearen orrazia serieko eskulturetan ere", Estela Solana Chillida Lekuko erakusketen arduradunak azaldu duenez.
Zabalaga baserriaren 5 zenbakiko aretoan paratuko dute erakusketa, eta "Grabitazioak" serieko hainbat obra ere hartuko ditu bere gain.
