Estrasburgok Espainiaren aurkako kereila onartu du Azconaren erakusketaren kariaz

Giza Eskubideen Europako Auzitegiak aintzat hartu du Abel Azconak Iruñean egindako erakusketa baten harira Abokatu Kristauen Espainiako Elkarteak jarritako kereila. Nafar artistak “pederastia” hitza idatzi zuen bertan ostia sagaratuak erabiliz.

Abokatu Kristauen Elkarteak Iruñeko epaitegi batean jarri zuen Azconaren erakusketaren aurkako kereila, eta Iruñeko Instrukzioko 2 zenbakiko Epaitegiak artxibatu egin zuen. Helegitea jarri zuen elkarteak, baina Nafarroako Auzitegi Nagusiak eta Espainiako Auzitegi Konstituzionalak ere artxibatu zuen. Orduan, Estrasburgoko Auzitegira jo zuten; horrek salaketa onartu du, eta berori aztertzen ari da.

Estrasburgoko kereilaz gain, elkartean Abel Azconaren aurkako beste salaketa bat jarri du, Madrilen, Gorroto Delituen aurkako Fiskaltzan, urriaren 3an idatzitako txio batean hau esan zuelako: “Gau ederra gelditu da elizak erretzeko”.