Ia 8.000 pertsonak bisitatu dute "Desenterrados" Azconaren erakusketa

“Desenterrados” Abel Azconaren lanaren inguruko erakusketa Rodeznoko Kondeko aroetan inoiz jende gehien hartu duena da, eta 2015eko udal erakusketa jendetsuenetan bigarrena. 7870 pertsonak bistatu dute, guztira.

Gaur emandako datuen arabera, iaz Udalak antolatutako erakusketa guztietatik, “Colgados de la pasión” Pedro Armestrerena izan zen arrakastatsuena, bisitarien kopuruari dagokionez. 11.527 lagun joan ziren Kondestablearen Jauregira berorrek erakarrita.

“Desenterrados” azaroaren 20an zabaldu zuten, eta atzo itxi. Abel Azconak Gerra Zibilaren, prostituzioaren, pederastiaren eta beste hainbat gairen inguruan sortutako lanak biltzen zituen, eta hautsak harrotu zituen.

Udalari erakusketa egin izana eskertzeko, Azconak “Enterrados” saileko hiru argazki eman dizkio, eta Udalaren Arte Garaikidearen Bilduman gordeko dituzte. Gerra Zibilean fusilatuta hil zituztenen gorpuak berreskuratzean oinarritutako lana da azken hau.