Cataldo nagusitu da Cuitu Nigrun eta Puritok lidergoa indartu du

Erredakzioa

Azken eguneratzea: 2012/09/03 19:45 (UTC+2)

De Gendt izan da bigarren, zazpi segundora. Joaquim Rodriguezek lidergoa indartu du Alberto Contadorri sei segundo aterata eta Alejandro Valverderi, 23 segundo atera dizkio.

Orria entzun Orria entzun

02:46

Whatsapp
Whatsapp
telegram
twitt
Bidali
Esteka kopiatu

Albisteak (3)

Bideoak (1)

Puritok lidergoa indartu du eta Cataldo nagusitu da Cuitu Nigrun

Dario Cataldok (Omega) irabazi du Vueltako hamaseigarren etapa, Xixon eta Cuitu Nigru artekoa (183 kilometro). Joaquim Rodriguezek lidergoa indartu du Contadorri eta Valverderi denbora aterata.

Cataldok sei segundo atera dizkio bigarren izan den Thomas de Gendti (Vacansoleil), eta azken kilometroan asko sufritu du italiarrak. Hirugarren postua Joaquim Rodriguez liderrarentzat izan da. Puritok, bi segundo atera dizkio Alberto Contadorri, baina hirugarren izan denez lau segundoko denbora-saria izan du. Guztira sei segundo sartu dizkio Joaquim Rodriguezek Alberto Contadorri. Alejandro Valverde izan da bosgarren, Puritorengandik 23 segundora eta Contadorrengandik, 17 segundora.

Igor Anton (Euskaltel) eta Beñat Intxausti (Movistar) euskal txirrindulariek, etapa ona egin dute. Igor Anton zazpigarren izan da irabazlearengandiko 4:07ra, eta Intxaustik hamaikagrren bukatu du, 4:39ra.

Astearte honetan, atseden eguna izango du Vueltak, eta asteazkenean ekingo diote lanari txirrindulariek.

Etapako sailkapena:

1. Dario Cataldo (ITA/Omega Pharma) 5:18:28.
2. Thomas De Gendt (BEL/Vacansoleil) + 7.
3. Joaquim Rodríguez (ESP/Katusha) + 2:39.
4. Alberto Contador (ESP/Saxo Bank) + 2:41.
5. Alejandro Valverde (ESP/MOVISTAR) + 2:58.
6. Nairo Quintana (COL/MOVISTAR) + 3:24.
7. IGOR ANTON (EUS/EUSKALTEL) + 4:07.
8. Andrew Talansky (USA/Garmin) + 4:15.
9. Laurens Ten Dam (HOL/Rabobank) + 4:18.
10. Robert Gesink (HOL/Rabobank) + 4:21.
11. BEÑAT INTXAUSTI (EUS/MOVISTAR) + 4:39.
12. Dani Moreno (ESP/Katusha) + 4:42.
13. Bart De Clercq (BEL/Lotto) + 5:07.
14. Christopher Froome (GBR/Sky) + 5:11.
15. Maxime Monfort (BEL/Radioshack) + 5:13.

Sailkapen nagusia:

1. Joaquim Rodriguez (ESP/Katusha) 63:38:24.
2. Alberto Contador (ESP/Saxo Bank) + 28.
3. Alejandro Valverde (ESP/MOVISTAR) + 2:04.
4. Chris Froome (GBR/Team Sky) + 4:52.
5. DANIEL MORENO (ESP/Katusha) + 6:58.
6. Robert Gesink (HOL/Rabobank) + 7:28.
7. Andrew Talansky (USA/Garmin) + 8:28.
8. Laurens ten Dam (HOL/Rabobank) + 9:00.
9. IGOR ANTON (EUS/EUSKALTEL) + 9:11.
10. Nicolas Roche (IRL/AG2R) + 11:44.
11. Tomasz Marczynski(POL/Vacansoleil) + 12:33.
12. BEÑAT INTXAUSTI (EUS/MOVISTAR) + 13:07.