Gilbertek denboraldiko bere aurreneko garaipena lortu du, Bartzelonan

Philippe Gilbert belgikarrak (BMC Racing) Vueltako bederatzigarren etapa (Andorra-Bartzelona, 1936,3 kilometro) Joaquim Rodriguezen aurretik irabazi du. Katusha taldeko katalanak lidergoa sendotu egin du, eta itzuliko aurreneko atseden egunera elastiko gorriarekin helduko da.

Montjuiceko igoeran erasoa jo dute ‘Purito’k eta Gilbertek, eta helmugan BMC taldekoa azkarrena izan da. Alejandro Valverde 9 segundora heldu da, eta Alberto Contadorren eta Chris Froomen tropeltxoak 12 segundora zeharkatu du helmuga.

Eguneko ihesladian Martijn Maaskat (Garmin Sharp), Mickael Buffaz (Cofidis), Javier Chacon (Andalucía) eta Bert Lindeman (Vacansoleil) izan dira, baina tropelak Bartzelonara heldu aurretik hartu ditu.

Sailkapen nagusian, Joaquim Rodriguezek 53 segundo ateratzen dizkio Chris Froomeri (Sky), eta minutu bat Alberto Contadorri. Igor Antonek zortzigarren jarraitzen du, 3:07ra.

Bartzelonatik Galiziara joango dira txirrindulariak, eta astelehenean aurrenko atseden eguna izango dute. Asteartean Vueltako hamargarren etapa (Pontearas-Sanxenxo, 190 kilometro) jokatuko da.

- Bederatzigarren etapa:

.1. Philippe Gilbert (BEL-BMC) 4:45:28
.2. Joaquim Rodriguez Oliver (ESP-Katusha) d.b.
.3. Paolo Tiralongo (ITA-Astana) + 7
.4. Tomasz Marczynski (POL-Vacansoleil) + 9
.5. Danielle Bennati (ITA-RadioShack) + 9
.6. Alejandro Valverde (ESP-Movistar) + 9
.7. Nacer Bouhanni (FRA-FDJ) + 9
.8. Gorka Verdugo (EUS-Euskaltel) + 12
.9. Gianni Meersman (BEL-Lotto) + 12
10. Igor Anton (EUS-Euskaltel) + 12

- Sailkapen nagusia:

.1. Joaquim Rodriguez Oliver (ESP-Katusha) 34:44:55
.2. Christopher Froome (GBR-Skype) + 00:53
.3. Alberto Contador (ESP-Saxo Bank) +01:00
.4. Alejandro Valverde (ESP-Movistar) + 01:07
.5. Robert Gesink (HOL-Rabobank) + 02:01
.6. Daniel Moreno (ESP-Katusha) + 02:08
.7. Nicolas Roche (IRL-AG2R) + 02:34
.8. Igor Anton (EUS-Euskaltel) + 03:07
.9. Laurens Ten Dam (HOL-Rabobank) + 03:18
10. Bauke Mollema (HOL-Rabobank) + 03:27.