Espainiako Vuelta 2023
7. etapa
Espainiako Vuelta: Marcel Kittelentzat garaipena
Erredakzioa
Eroriko handia izan da azken esprintean eta Skil-Shimano taldeko alemaniarrak lortu du garaipena. Sylvain Chavanelek lidergoan jarraitzen du.
Albisteak (4)
Galeriak (1)
Informazio gehiago (3)
Marcel Kittel alemaniarrak irabazi du Espainiako Vueltako zazpigarren etapa. Helmugako azken metroetan eroriko jendetsua izan da Tyler Farrar lurrera joan delako eta horrek azken esprinta erabat baldintzatu du. Erorikoan Joaquim Rodriguez (Katusha), Vincenzo Nibali (Liquigas) eta Michele Scarponi (Lampre) izan dira kaltetuenetarikoak, baina txirrindulariek arazorik gabe zeharkatu dute helmuga. Skil-Shimano taldeko Kittel gazteak (23 urte) Peter Sagan eta Oscar Freire gainditu ditu.
Urduritasuna izan da eguneko protagonista tropelan. Talavera de la Reina hirira heldu baino lehen, tropela zatikatu egin da haizea boladak direla eta, eta txirrindulari asko atzean gelditu dira. Hala ere faboritoak aurreko multzoan mantendu dira eta ez da ezuteko handirik izan.
Eguneko ihesaldian, Cabello (Andalucia-Caja Granada), Mate eta Fouchard (Cofidis) eta Houanard (AG2R) izan dira, baina tropelak 10 kilometroren faltan hartu ditu.
Sailkapen orokorrean Sylvain Chavanelek 15 segundoko aldea izaten jarraitzen du Dani Moreno bigarren delarik.
7. etapa:
1 175 KITTEL, Marcel SKS 4h 47' 59''
2 7 SAGAN, Peter LIQ d.b.
3 153 FREIRE, Oscar RAB d.b.
4 101 BENNATI, Daniele LEO d.b.
5 17 MONDORY, Lloyd ALM d.b.
6 164 HAEDO, Juan Jose SBS d.b.
7 177 VEELERS, Tom SKS d.b.
8 96 PETACCHI, Alessandro LAM d.b.
9 132 GASPAROTTO, Enrico AST d.b.
Sailkapen orokorra:
1 CHAVANEL, Sylvain QST 22h 41' 13''
2 MORENO, Daniel KAT + 15''
3 NIBALI, Vincenzo LIQ + 16''
4 RODRIGUEZ, Joaquin KAT + 23''
5 FUGLSANG, Jakob LEO + 25''
6 KESSIAKOFF, Fredrik AST + 41''
7 MONFORT, Maxime LEO + 44''
8 PARDILLA, Sergio MOV + 49''
9 BRUSEGHIN, Marzio MOV + 52''
10 SCARPONI, Michele LAM + 57''
11 ZUBELDIA, Haimar RSH + 1' 00''
12 SÁNCHEZ, Luis León RAB + 1' 05''
