Espainiako Vuelta: David Lopezek bigarren garaipen euskalduna lortu du

David Lopez (Caisse d''Epargne) Barakaldoko txirrindulariak irabazi du Espainiako Vueltako bederatzigarren etapa (Calpe-Alcoi); Igor Anton (Euskaltel-Euskadi) galdakaoztarrak liderraren elastikoari eutsi dio.

Vueltako lehenengo atseden-egunaren atarian ibilbide gora-beheratsua izan dute txirrindulariek eta aldapa gora egiten duen azken kilometroa izan dute amaieran, faboritoen arteko erasoak ahalbidetzen zituena. Ibilbidean bigarren mailako lau mendate eta hirugarren mailako hiru.

35. kilometroan 14 lasterkarik ihesaldia osatu dute: Moncoutie, Kreuziger, David Lopez, Oscar Pujol, Gonzalo Rabuñal, Carlos Barredo eta Egoi Martinez izan dira ihesaldiko kideak.

Ratesko gainera (68. km.), talde handia 4:50eko atzerapenarekin heldu da, eta Tudonsen (124. km.) Rabuñalek aurrealdearen itxura aldatu du eraso batekin. Erronka zaila benetan, jazarpenari ondo antolaturiko bederatzi ziklistek ekin baitiote, eta azkenean Xacobeokoa harrapatu dute.

Jardunaldiko azken mendatean, Revolcaten hain zuzen ere, David Lopezek (Caisse d''Epargne) erasoa jo du, eta Moncoutiek gurpila hartu dio. Barakaldokoak, baina, atzean utzi du frantziarra eta etapa-garaipena eskuratu du.

Sailkapen nagusiaren lehian dabiltzan taldeek zazpi minutuko atzerapenarekin heldu den tropelaren ailegaera prestatu dute eta ondorioz, talde handiaren lehenengo postuetan Rodriguez, Anton eta Nibali faboritoak helmugaratu dira.

Bihar Vueltako aurreneko atseden-eguna izango dute txirrindulariek. Asteartean ekingo diote berriz ere lasterketari, Tarragona eta Vilanova i la Geltru arteko etaparekin.

Etapako sailkapena:

1 . LÓPEZ, David ( GCE ) 5h 20'' 51''''
2 . KREUZIGER, Roman ( LIQ ) + 6''''
3 . CARUSO, Giampaolo ( KAT ) + 13''''
4 . MONCOUTIE, David ( COF ) + 21''''
5 . KADRI, Biel ( ALM ) + 27''''
6 . MARTÍNEZ, Egoi ( EUS ) + 30''''
7 . PERAUD, Jean-Christophe ( OLO ) + 55''''
8 . RABUÑAL, Gonzalo ( XAC ) + 2'' 36''''
9 . PUJOL, Oscar ( CTT ) + 3'' 52''''
10 . VANENDERT, Jelle ( OLO ) + 4'' 17''''
11 . CATALDO, Dario ( QST ) + 5'' 22''''
12 . GASPAROTTO, Enrico ( AST ) + 6'' 25''''
13 . RAMÍREZ, Javier ( ACA ) + 6'' 29''''
14 . QUEMENEUR, Perrig ( BTL ) + 6'' 32''''
15 . RODRIGUEZ, Joaquin ( KAT ) + 7'' 02''''
16 . ANTON, Igor ( EUS ) + 7'' 02''''
17 . ROCHE, Nicholas ( ALM ) + 7'' 02''''
18 . NIBALI, Vincenzo ( LIQ ) + 7'' 02''''
19 . SCHLECK, Frank ( SAX ) + 7'' 02''''
20 . BRUSEGHIN, Marzio ( GCE ) + 7'' 02''''

Sailkapen nagusia:

1 . ANTON, Igor ( EUS ) 37h 56'' 42''''
2 . RODRIGUEZ, Joaquin ( KAT ) m.t. 1º
3 . NIBALI, Vincenzo ( LIQ ) + 2''''
4 . TONDO, Xavier ( CTT ) + 42''''
5 . PERAUD, Jean-Christophe ( OLO ) + 52''''
6 . PLAZA, Ruben ( GCE ) + 1'' 15''''
7 . MOSQUERA, Ezequiel ( XAC ) + 1'' 18''''
8 . ROCHE, Nicholas ( ALM ) + 1'' 19''''
9 . BRUSEGHIN, Marzio ( GCE ) + 1'' 22''''
10 . VELITS, Peter ( THR ) + 1'' 26''''
11 . VAN GARDEREN, Tejay ( THR ) + 1'' 26''''
12 . URAN, Rigoberto ( GCE ) + 1'' 38''''
13 . SCHLECK, Frank ( SAX ) + 1'' 47''''
14 . DANIELSON, Thomas ( GRM ) + 1'' 52''''
15 . GILBERT, Philippe ( OLO ) + 1'' 55''''
16 . KARPETS, Vladimir ( KAT ) + 1'' 57''''
17 . SASTRE, Carlos ( CTT ) + 2'' 11''''
18 . ARROYO, David ( GCE ) + 2'' 15''''
19 . SÁNCHEZ, Luis León ( GCE ) + 2'' 21''''
20 . MENCHOV, Denis ( RAB ) + 3'' 29''''

Horrela bizi izan dugu etapa eitb.com-en.