Espainiako Vuelta
Movistar Team
Quintana, Valverderekin bere hirugarren Vueltan
Agentziak | Erredakzioa
Frantziako Tourrean bigarrena egin zuena ere Puerto Banusen izango da. Movistarrek talde osoaren berri emango du hurrengo egunetan.
-
Nairo Quintana, Tourrean / EFE.
Movistar Teamek Nairo Quintana Espainiako Vueltan egongo dela baieztatu du, abuztuaren 22an Puerto Banusen (Malaga). Kolonbiakoa Alejandro Valverderekin egongo da, bikote beldurgarria osatuz. Ziur aski, Frantziako Tourrean izandako eginkizunak elkarrekin aldatuko dituzte.
Hirugarren Vuelta izango da Quintanarentzat. Azken edizioan gorriz jantzi zen, baina eroriko batek erlojupekoan eta beste batek hurrengo egunean lasterketa uztera behartu zuten, lesionatuta.
Talde nafarrak talde osoaren berri emango du hurrengo egunetan.
Vincenzo Nibali (Astana) Malagan izango da, eta baliteke Chris Froome (Sky) ere Vueltan egotea. Denboraldiko azken handian egotea "buruan" daukala esan zuen, eta Vueltako parte-hartze handia osatzea. Alberto Contador (Tinkoff-Saxo) izango da baja nagusiena.
baja nagusiena.