Niewiadoma poloniarrak irabazi du Frantziako Tourra, eta Vollering 4 segundora geratu da

Katarzyna Niewiadoma (Canyon-SRAM Racing) txirrindulari poloniarrak irabazi du Frantziako Tourra, Demi Vollering (Team SD Worx-Protime) herbeheretarra (iazko irabazlea) lau segundoko aldearekin gaindituta. Volleringek Alpe d'Huezen bukatu den azken etapa irabazi du, baina ez da nahikoa izan maillot horia eskuratzeko.

Niewiadomak eta Volleringek munduko txirrindularitzako 21 bihurgune ospetsuenetan erabaki dute lidergoa, 13,8 kilometroko igoeran, eta herbeheretarrak erakustaldia eman du baina SD Worx taldeko txirrindulariak ez du esperotako saria eskuratu, etapa irabazi bai baina ez baitu lidergoa eskuratu.

Volleringen porrotaren arrazoia ez da Alpe d'Huezko aldapetan bilatu behar, ostegunean bosgarren etapan izandako erorikoan baizik.

Istripu horren ondorioz, nederlandarra sailkapen nagusiko lehen postuan egotetik bederatzigarren postura pasatu zen, Niewiadoma poloniarra 1 minutu eta 19 segundora zuela.

Volleringek aldea 4 segundo murriztu du gaurko etapa jokatu aurretik, eta gaurko etapan liderrari atera dion aldea ez da nahikoa izan lidergoa eskuratzeko, eta bigarren geratu da sailkapen nagusian, lehen postutik 4 segundora.

Etapako sailkapena

1 - VOLLERING Demi (SD Worx) 4:34:14

2 - ROOIJAKKERS Pauliena (Fenix) +0:04

3 -  MUZIC Évita (FDJ) +1:01

4 - NIEWIADOMA Katarzyna (Canyon) d. b.

5 - REALINI Gaia (Lidl-Trek) +1:31

6 - KERBAOL Cédrine (CERATIZIT) +3:15

7 - CAVALLAR Valentina (Arkéa) +3:34

8 - GIGANTE Sarah (AG) +5:10

9 - FISHER-BLACK Niamh (SD Worx) +5:14

10 - BRAND Lucinda (Lidl-Trek) +7:06

Sailkapen nagusia

1 - NIEWIADOMA Katarzyna (Canyon) 24:36:07

2 - VOLLERING Demi (SD Worx) +0:04

3 - ROOIJAKKERS Pauliena (Fenix) +0:10

4 - MUZIC Évita (FDJ) +1:21

5 - REALINI Gaia (Lidl-Trek) +2:19

6 - KERBAOL Cédrine (CERATIZIT) +6:51

7 - GIGANTE Sarah (AG) +7:09

8 - BRAND Lucinda (Lidl-Trek) +8:06

9 - LABOUS Juliette (dsm) +8:07

10 - DE JONG Thalita (Lotto) +8:12