Frantziako Tourra
Uztailak 13, larunbata
2024ko Frantziako Tourraren 14. etaparen profila eta ibilbidea: Paue - Saint Lary Soulan Pla d’Adet (151,9 km)
EITB MEDIA
Pirinioetako sarrera edizioko etapa gogorrenetako bat izango da, 4.000 metroko desnibela eta zailtasun handiko hiru mendate jarraian pilatuz, horien artean Tourmalet klasikoa.
-
2024ko Frantziako Tourraren 14. etapako profila. Irudia: letour.fr.
Uztailaren 13an, larunbatean, jokatuko da 2024ko Frantziako Tourreko 14. etapa, Pauen hasi eta Saint Lary Soulan Pla d'Adeten amaituko dena eta 151,9 kilometroko ibilbidea duena. Etapa 13:30ean hasi eta 17:17ak inguruan amaituko da.
Pirinioetako sarrera edizioko etapa gogorrenetako bat izango da, 4.000 metroko desnibela eta zailtasun handiko hiru mendate jarraian pilatuz, horien artean Tourmalet klasikoa.
"Berotzeko" erritmo lasaian lehen 70 kilometroak egin ondoren, eguneko erronka heldu da. Maila bereziko Tourmaleteko igoera gogorrarekin hasiko dira (19 km % 7,4ra). Jaitsi ondoren, eta atseden hartzeko denborarik gabe, Hourquette d 'Ancizan mendatea aurkituko dute (8,2 km % 5,1era), bigarren mailakoa. Amaitzeko, maila bereziko Saint Lary Soulan Pla d 'Adet mendateak (10,6 km % 7,9an) hankei tinko eutsi diotenak hartuko ditu helmugan.
Zalantzarik gabe, etapa hau sailkapen nagusian ondo kokatzeko gakoa izango da. Etapa zuzenean jarraitu ahalko da, ETB1en eta eitb.eus-en, 15:00etatik aurrera.
Frantziako Tourreko 14. etaparen profila. Irudia: letour.fr
Tourmalet. Irudia: letour.fr
Hourquette. Irudia: letour.fr
Saint-lary. Irudia: letour.fr
FITXA TEKNIKOA
Etapa: 14. etapa (uztailak 13)
Ibilbidea: Paue - Saint Lary Soulan Pla D'Adet
Distantzia: 151,9 km
Goranzko desnibel metatua: 4.000 m
Hasiera-ordua: 13:30
Amaiera-ordua: 17:17 (38 km/h) | 17:32 (36 km/h) | 17:50 (34 km/h).
Mendiko saria: Col Du Tourmalet (H), 89,6. kilometroan; Hourquette D'Ancizan (2. mailakoa) 123,4. kilometroan; Saint-Lary-Soulan-Pla D'Adet (H), 151,9. kilometroan.
