Frantziako Tourra 2024
Ekainak 29tik uztailak 21era
Oier Lazkano eta Alex Aranburu Movistarren zerrendan Frantziako Tourrerako
AGENTZIAK | EITB Media
Movistar Teamek datorren larunbatean Florentzian hasiko den Frantziako Tourraren 111. edizioari aurre egiteko txirrindularien zerrenda aurkeztu du
-
2024ko Espainiako Txapelketaren podiuma Alex Aranburu eta Oier Lazkanorekin. ARGAZKIA:EFE
Movistar Teamek astelehen honetan aurkeztu ditu Frantziako Tourrerako hautatutako zortzi txirrindulariak. Oier Lazkano arabarra eta Alex Aranburu gipuzkoarra irteera puntuan egongo dira. Azken honek errepideko 2024ko Espainiako Txapelketa irabazi berri du. Enric Mas izango da taldeburua.
Gauzak horrela, Movistarrek hautatutako zortzi txirrindulari hauek izan dira: Enric Mas, Oier Lazkano, Davide Formolo, Nelson Oliveira, Alex Aranburu, Fernando Gaviria, Gregor Mühlberger eta Javier Romo.
Chente García Acostak, Max Sciandrik, Pablo Lastrasek eta Ivan Velascok zuzenduko dute talde urdina, historian lehen aldiz Italiatik irten eta Parisen amaituko ez den proban zehar. Amaiera, datorren uztailaren 21ean, Nizan izango da.
