Frantziako Tourra
12. etapa
Bardetek lortu du etapa garaipena eta Aru da lider berria
Erredakzioa
Romain Bardetek irabazi du Tourraren 12. etapa eta hirugarren izan den Fabio Aruk lidergoa kendu dio Chris Froomeri.
Albisteak (16)
- Bosgarren etapa garaipena Kittelentzat
- Kittel aise nagusitu da Bergeraceko esprintean
- Gaur, 6 mendate eta helmuga Peyragudesen
- Tourra utzi behar izan duten txirrindulariak
- Uran garaile eta Froome lider, erorikoen etapan
- Calmejane frantziarra garaile, aurten ondo atera den lehen ihesaldian
- Kittelek bere hirugarrena irabazi du, foto finish polemikoaren ostean
- Aruk irabazi du mendiko lehen etapa eta Froome da lider berria
- Mark Cavendishek Tourra utzi behar izan du
- Sagan Tourretik kanporatu dute Cavendishen erorikoa eragiteagatik
- Demare nagusitu da Vitteleko esprintean
- Frantziako Tourra Donostiatik abiatu zen, gaurko egunez, duela 25 urte
Bideoak (1)
Romain Bardet (AG2R) frantziarrak irabazi du Tourraren 12. etapa, 214,5 kilometroko ibilbidea izan duen Pau eta Peyragudes artekoa. Fabio Aru (Astana) hirugarren izan da etapan eta lidergoa kendu dio Chris Froomeri (Sky). Italiarra da lider berria.
Bardetek etapako azken kilometroan jo du erasoa, azken mendateko malda gogorrenean. Fabio Aruk jo du erasoa lehenengo, frantziarrak erantzun egin dio, eta garaipena eskuratu du. Rigoberto Uran (Cannondale) izan da bigarren 2 segundora eta Aru hirugarren, 2 segundora. Mikel Landak laugarren postuan bukatu du etapa. Chris Froomek 22 segundo galdu ditu Bardetekiko eta 20 segundo Arurekiko.
Sailkapen nagusian Fabio Aru da liderra, Chris Froome da bigarren 6 segundora eta Romain Bardet hirugarren, 25 segundora. Rigoberto Uran kolonbiarra da laugarren liderrarengandik 55 segundora. Nairo Quintanak (Movistar) 2'04" galdu ditu etapa irabazlearekiko eta Alberto Contadorrek 2'55.
Nieveren eta Landaren lan bikaina
Sky taldeak agindu du etapa guztian zehar. Mikel Landa eta Mikel Nieve euskal txirrindulariek gogor egin dute lan Chris Froome taldeko liderrarentzako, baina britainiarrak ezin izan dio lidergoari eutsi. Azken metroetan Landak ez dio Froomeri lagundu eta laugarren bukatu du etapa. Mikel Nieve hamargarren izan da etapan. Sailkapen nagusiko zazpigarren postuan da Mikel Landa liderrarengandik 2 minutu eta 55 segundora.
