Frantziako Tourra
Bederatzigarren etapa
Frantziako Tourra: Casarrek etapa; Andy Schleckek elastiko horia
Erredakzioa
Etapa zoragarria eskaini dute txirrindulariek. Cadel Evansek txakalaldia izan du Schleck, Contador eta Samu Sanchez bikain aritu diren egunean. Euskaltelekoa sailkapen nagusiko hirugarren postuan da.
Andy Schleck (Saxo Bank) Frantziako Tourreko lider berria da, Alberto Contador eta Samuel Sanchezen aurretik, bederatzigarren etapa lehiatu ostean. Garaipena Sandy Casar frantziarrak eskuratu du.
Andy Schleck da sailkapen nagusiko lider berria. 41 segundo ateratzen dizkio sailkapenean bigarren dagoen eta etapan seigarren egin duen Alberto Contador espainiarrari. Gaurkoan, luxemburgarraren aurretik sartu da. Samuel Sanchez, berriz, hirugarrena da sailkapenean 2:45eko atzerapenarekin.
Sandy Casarrek irabazi du bederatzigarren etapa, helmugara alde eginda ailegatu den zazpikoteko azkarrena izan eta gero. Haren atzetik sartu dira Luis Leon Sánchez (Caisse d''Epargne) espainiarra eta Damiano Cunego (Lampre) italiarra.
Andy Schleck, Alberto Contador eta Samuel Sanchez txirrindulariek distira berezia erakutsi dute gaurkoan eta pedal-kolpe onena dutela berretsi. Madeleineko igoeran, baina, Euskaltelekoari ihes egin dio faboritoen bikote horrek eta ia minutua galdu du helmugan.
Menchov, Gesink eta Leipheimerrek etapa txukuna egin dute. Faboritoen artean txarrena, gaurkoan, Cadel Evans izan da. Australiarrak ezin izan dio elastiko horiari eutsi Madeleinen asko sufritu baitu eta helmugan zortzi minutu baino gehiagoko galera eduki baitu.
Bihar hamargarren etapa (179 km) lehiatuko dute Chambéry eta Gap herrien artean.
- 9. etapa:
.1. Sandy Casar (FRA-Française des Jeux) 5h.38:10
.2. Luis León Sánchez (ESP-Caisse d''Epargne) d.b.
.3. Damiano Cunego (ITA-Lampre) d.b.
.4. Christophe Moreau (FRA-Caisse d''Epargne) + 02
.5. Anthony Charteau (FRA-Bbox Bouygues T) d.b.
.6. Alberto Contador (ESP-Astana) d.b.
.7. Andy Schleck (LUX-Saxo Bank) d.b.
.8. Samuel Sánchez (ESP-Euskaltel Euskadi) + 52
.9. Joaquim Rodríguez (ESP-Katusha) + 2:07
10. Levi Leipheimer (USA-Radioshack) d.b.
- Sailkapen nagusia:
.1. Andy Schleck (LUX-Saxo Bank) 43h.35:41
.2. Alberto Contador (ESP-Astana) + 41
.3. Samuel Sánchez (ESP-Euskaltel Euskadi) + 2:45
.4. Denis Menchov (RUS-Rabobank) + 2:58
.5. Jurgen Van Den Broeck (BEL-Omega Pharma) + 3:31
.6. Levi Leipheimer (USA-Radioshack) + 3:59
.7. Robert Gesink (HOL-Rabobank) + 4:22
.8. Luis León Sánchez (ESP-Caisse d''Epargne) + 4:41
.9. Joaquim Rodríguez (ESP-Katusha) + 5:08
10. Ivan Basso (ITA-Liquigas-Doimo) + 5:09
