Euskaltelek World Tour lizentzia lortu du 2013ko denboraldirako

Erredakzioa

Azken eguneratzea: 2012/10/30 09:32 (UTC+1)

Nazioarteko Txirrindularitza Batzordeak (UCIk) 15 taldeko zerrendan sartu du talde laranja. Alberto Contadorren Saxo Bank, zerrendatik at gelditu da, eta beste hiru talderekin borrokatu beharko du.

01:10

Whatsapp
Whatsapp
telegram
twitt
Bidali
Esteka kopiatu

Albisteak (1)

Euskaltelek UCI World Tourren mantentzeko egitasmoa aurkeztu du

Bideoak (1)

Euskaltel 2013ko World Tourrean izango da

Euskaltel-Euskadik UCI World Tour lizentzia lortu du, Nazioarteko Txirrindulartiza Batzordeak zerrendako azkeneko postua eman baitio talde laranjari. Honela, Igor Gonzalez de Galdeanoren taldeak txirrindulartizaren gorengo mailan jarraituko du. Alberto Contador madrildarraren taldeak, Saxo Bankek, ez du lizentziarik lortu, eta beste hiru talderekin batera World Tour maila lortzeko borrokatu beharko du.

UCIk egindako zerrendan, taldeek 2013rako euren 12 txirrindulari onenekin sinatuta dituzte akordioak eta 2011an eta 2012an lortutako emaitzak kontuan hartu ditu. Gainera, kriterio etikoak eta ekonomikoak ere aintzat hartzen dira.

Hurrengo 15 taldeek UCI World Tour lizentzia eskuratu dute:

Ag2r, Astana, BMC, Cannondale, Euskaltel-Euskadi, Garmin-Sharp, Lampre-Merida, Katusha, Movistar, Omega Pharma-Quick Step, Orica-GreenEDGE, Rabobank, RadioShack-Nissan, Sky eta Vacansoleil.

Jarraian, Argos-Shimano, Lotto-Belisol, La Francaise, Europcar eta Saxo Bank-Tinkoff sailkatu ditu.