Txirrindularitza
Mallorca Challengea
Andratx-Mirador D'es Colomer Trofeoa bertan behera geratu da eguraldi txarragatik
AGENTZIAK | EITB MEDIA
Tropela osatzen zuten txirrindulariek martxa geldiarazi dute errepidean ordubete inguru zeramatenean, eta proba bertan behera uztea erabaki dute.
-
Challenge Ciclista Mallorca. Argazkia: EFE.
Andratx-Mirador D'es Colomer Trofeoa, Mallorca Challengeko laugarren proba, bertan behera geratu da. Lehen 30 kilometroak egin dituzte, baina, baldintza meteorologiko arriskutsuek hainbat eroriko eragin ondoren, lasterketa eten dute.
Tropela osatzen zuten txirrindulariek martxa geldiarazi dute errepidean ordubete inguru zeramatenean, eta proba bertan behera uztea erabaki dute.
Igandean amaituko da Mallorca Challengea, Palma Sariarekin. Azken zirkuituan, ibilbide laua izango dute, eta sei itzuli eman beharko dizkiote zirkuituari, proba osatzeko.
