Txirrindularitza
FITXAKETA
Caja Rural taldeak Sergi Darder txirrindularia fitxatu du
AGENTZIAK | EITB MEDIA
Hala jakinarazi du astearte honetan Caja Rural-Seguros RGA taldeak, "oraindik indartzen jarraitzeko aukera handia" duela azpimarratuta.
-
Sergi Darder txirrindularia
Sergi Darder txirrindulari kataluniarra Caja Rural-Seguros RGA taldearekin arituko da aurrerantzean, Illes Balears-Arabayrekin debuta egin ostean.
Astearte honetan eman du fitxaketaren berri, ohar baten bidez. Txirrindulariaren potentziala nabarmendu du taldeak, sendotzen segiko duela azaltzeaz gain. Hala, ProTeam mailan lehiatuko da, hurrengo bi urteetarako kontratu batekin.
Besteak beste, Volta ao Alentejo itzuliaren gazteen sailkapenean nagusi izan da. Horrez gain, Portugalgo Itzulia, Turul Romaniei eta Istanbuleko Itzulia lasterketatan hamaika aldiz geratu da lehen hamarren artean.
Taldearen hamaikagarren fitxaketa da Darderrena. Orain arte, honako hauek dira taldekideak: Alex Molenaar, Tyler Stites, Jakub Otruba, Abner Gonzalez, Francisco Peñuela, Joan Bou eta filialetik ekarritako Javier Ibañez, Alex Diaz eta Jan Castellon.
