Txirrindularitza
Il Lombardia
Pogacarrek laugarrenez jarraian irabazi du Il Lombardia, eta Ion Izagirre laugarren izan da
EITB Media
Azken 40 kilometroak bakarka eginda nagusitu da txirrindulari esloveniarra Italiako klasikoan. Remco Evenepoelek eta Giulio Cicconek osatu dute podiuma. Laugarren, berriz, Ion Izagirre sartu da.
-
Tadej Pogacar, helmugan, bizikleta altxatuta. Argazkia: Il Lombardia
Tadej Pogacarrek (UAE) laugarren urtez jarraian irabazi du Il Lombardia klasikoa, Bergamo eta Como artean (255 km). Munduko txapeldunak denboraldiko 25. garaipena bereganatu du, eta enegarren erakustaldia emanda nagusitu da; izan ere, lasterketa amaitzeko 40 bat kilometroren faltan egin du ihes, eta bakarrik iritsi da helmugara.
Hiru minututik gorako atxerapenarekin helmugaratu da Remco Evenepoel (Soudal), lehenengo, eta Giulio Ciccone (Lidl-Trek), ondoren. Laugarren, berriz, Ion Izagirre (Cofidis) heldu da. Txirrindulari gipuzkoarrak lan handia egin du, eta onenekin batera izan da azkeneraino.
SAILKAPENA
1. POGACAR Tadej (UAE) 6:04:58
2. EVENEPOEL Remco (Soudal) +3:16
3. CICCONE Giulio (Lidl-Trek) +4:31
4. IZAGIRRE Ion (Cofidis) +4:34
5. MAS Enric (Movistar) d.b.
6. SIVAKOV Pavel (UAE) d.b.
7. VAN EETVELT Lennert (Lotto) d.b.
8. POWLESS Neilson (EF Education) +4:58
9. GAUDU David (Groupama) d.b.
10. MEURISSE Xandro (Alpecin) d.b.
